MARKUS 9:18 - KITTA' MATANGKASA'

¹⁸ Punna nibattuiseng ri roh ja'dalaka, napatappa'-tappasaki kalenna naung ri buttaya, nampa a'busa bawana, a'rekuki giginna siagang ka'doro' ngasengi kalenna. Kupalaki ri ana'-ana' gurunTa sollanna nabongka assulu' anjo roh ja'dalaka, mingka tanakulleai ke'nanga.”

MARKUS 9:18 Referans Kwoze

MARKUS 11:23

Kapunna tappakko ri Allata'ala, akkulleko angkana ri anne bontoa, ‘Ta'angkakko nutassambila antama' ri tamparanga!’ Tena tanipa'jariannu, assala' tena nubata-bata siagang tappakko angkanaya lakajariang tojeng-tojengi numinasaia.

MARKUS 9:26

Ammarrammi anjo roh ja'dalaka, nampa napa'jari ka'doro' kalenna anjo anaka, nampa assulu'. A'jari pi'lasa'mi anjo anaka, sangkamma maya' nicini', sa'genna nakana ngaseng taua, “Matemi!”

MARKUS 9:20

Naerammi ke'nanga anjo anaka mae ri Isa. Nacini'na roh ja'dalaka Isa, napa'jari ka'doro'mi kalenna anjo anaka, sa'genna tu'guru' anjo anaka anggulung-gulung ri buttaya. A'busai bawana.

MATIUS 17:16

Le'ba'mi kuerang mange ri ana'-ana' gurunTa, mingka tanakulleai ke'nanga amballei.”

LAMPA-LAMPANA 7:54

Kamma nalangngere'na anggota-anggota sidang Pangadelang Agamaya sikamma anjo napaua Stefanus, pa'risi' sikalimi nyawana ke'nanga siagang sanna' ngasemmi larrona mae ri Stefanus.

PAMMUJI 112:10

Niciniki ri tau ja'dalaka siagang a'jari larroi; nakantisiki giginna ke'nanga lanri birisi'na. Nampa posso'mo ke'nanga; tappela'mi panrannuanna ke'nanga satunggu-tungguna.

YUDAS 1:13

Sanrapang bombang sannaka lompona siagang a'busa-busaya ri tamparanga, sangkamma tommi anjo sanrapanna a'busa-busana panggaukang appakasiri'-siri'na ke'nanga. Sanrapangi ke'nanga bintoeng-bintoeng pitilampa-lampaia, siagang le'bakamo nipasadiang tampa'na ri Allata'ala, iamintu lalang ri tampa' sannaka sassanna sa'genna satunggu-tungguna.

MATIUS 15:22

Nia'mo sitau baine tu Kanaan niaka anjoreng ri daeraya battu mae ri Isa akkiok-kio' angkana, “O Ana'na Daud, Kikamaseanga'! Napantamakki setang ana' baineku. Sanna' dudumi sessana!”

MATIUS 8:12

Padahala' tau siratanga a'jari umma'Na Allata'ala nipelaki assulukang ri sassanga. Anjoremmi ke'nanga langngarru' siagang langkasiaki sessaya.”

AYUB 16:9

Lalang larro duduNa Nakekke'-kekkeki Allata'ala tubuku; birisi' sikali ancinikia'.

MARKUS 9:17

Appialimi kalase'renna tau jaia angkana, “O Pa' Guru, kuerangi anakku mae ri Katte. Pepei nasaba' nasosoki roh ja'dala'.

MARKUS 9:19

Nakanamo Isa ri ke'nanga, “Teai ngasengko sipato' anne! Tau tena ngaseng tojeng tappa'nu. Siapapi salloKu lammantang anrurungangko siagang lasa'bara' ri kau ngaseng? Erangi mae antu anaka!”