MARKUS 9:13 - KITTA' MATANGKASA'

¹³ Mingka Kupauang ngaseng mako anne angkanaya: Nia'mi battu Elia, nasangka' rupa nigaukangi ri ke'nanga. Sicoco'mi siagang apa le'baka tattulisi' lalang ri Kittaka anjo apa kajarianga ri kalenna.”

MARKUS 9:13 Referans Kwoze

MATIUS 11:14

Na ka'de' ero'jako tappa', iaminjo Yohanes le'baka nisero kana kabattuanna. Mingka nukanai Elia anjo Yohanes.

LAMPA-LAMPANA 7:52

Maka nia' na'bi tanisessaya ri boe-boenu? Nabunoi ke'nanga tunisuroNa Allata'ala, le'baka ampabattui riolo dudu angkanaya labattui anjo Ata matojenNa Allata'ala. Na kamma-kamma anne le'ba'mi nupasikongkolang siagang nubuno anjo Ana'Na Allata'ala.

LUKAS 1:17

La'jari tunisuro magassinNai Allata'ala, siagang lakoasai sangkamma Na'bi Elia. Lanapassiamaki manggea siagang ana'na. Na lanapimping tau tenaya nappilangngeri kana sollanna ammotere' mange ri pikkirang annabaya. Jari appasadiami se're umma' sadia anruppai kabattuanNa Batara.”

MARKUS 9:12

Appialimi Isa Nakana, “Memang Elia battu la'bi riolo untu' ampasadiai yangaseng-ngasenna parallua. Mingka antekamma ia passala'na Ana' Ma'rupataua? Apa saba'na na tattulisi' lalang ri Kittaka angkanaya lajai sessa laNapisa'ringi siagang lanihinai ri taua?

MARKUS 9:14

Ri wattunna a'rappungammo pole Isa siagang tallua ana' gurunNa siagang ana'-ana' gurunNa maraenga, jaimi tau nacini' ke'nanga. Nia' siapa are guru agama angngagangi a'gea' anjo ana'-ana' gurunNa Isa.