MARKUS 9:1 - KITTA' MATANGKASA'

¹ Nakana Isa, “Assemmi angkanaya, ri alla'nu anne niaka anrinni kamma-kamma anne, nia' tena nalamate, ri wattu tenanapa naciniki Allata'ala ammarenta siagang kakoasanNa!”

MARKUS 9:1 Referans Kwoze

LUKAS 9:27

Assengi angkanaya: nia' tau anrinni ri alla'nu tenapa nalamate punna tenapa naciniki Allata'ala ammarenta.”

IBRANI 2:9

Mingka punna Isa, nicini'mi makoasa! Nipa'jarimi irawanganna sike'de' malaekaka untu' wattu sinampekang; sollanna akkulle mate untu' sikontu rupataua, lanri baji' pa'mai'Na Allata'ala. Nicini'mi kamma-kamma anne nisare empoang mala'biri' siagang malompo lanri le'ba'namo Nakasia' sessaya sa'genna mate.

LUKAS 22:30

Lanri kammana, akkulle tommako amminawang a'rannu-rannu siagang iNakke ri wattungKu a'jari Karaeng. Siagang lammempo ngaseng tommako irate ri sampuloa anrua empoang kala'birang, untu' ammarenta ri sampuloa anrua bansa Israel.”

MARKUS 13:30

Asseng memammi! Angkanaya lakajariang ngasemmi anjo Kupaua ri wattu tenanapa namate ngaseng tau niaka attallasa' ri kamma-kammaya anne.

MATIUS 25:31

“Punna battu sallang Ana' Ma'rupataua a'jari Karaeng siagang nirurungang ri sikontu malaeka'Na, lammempomi irate ri empoang kala'biranNa.

LUKAS 22:18

nasaba' parallui nuasseng angkanaya: appakkaramula ri kamma-kammaya anne, tenamo nalaKuinung pole anne anggoroka, sa'genna Napa'nyata tojeng-tojemmo koasaNa Allata'ala.”

LUKAS 2:26

Na le'ba'mi nipauang ri Allata'ala angkanaya talamateapi punna tenapa naciniki Karaeng Mappasalamaka, le'baka Napa'janjiang Batara.

MARKUS 13:26

Anjo wattua lania'mi nicini' battu Ana' Ma'rupataua ri tompo'na rammanga lalang koasa malompoa siagang kala'biranNa.

MATIUS 24:30

Le'baki anjo lammumbami rate ri langika pammatei kabattuanNa Ana' Ma'rupataua. Na anjo wattua langngarru' ngasemmi sikontu bansa-bansa niaka lalang lino. Lanacini'mi ke'nanga battu Ana' Ma'rupataua ri tompo'na rammanga, lalang koasaNa siagang kala'birang malompoNa.

MATIUS 16:28

U'rangi anne! Ri alla'nu anne hadereka anrinni, nia' talamateapi punna tenapa naciniki Ana' Ma'rupataua battu poleang a'jari Karaeng.”

YOHANES 21:23

Jari tassiara'mi anjo kabaraka ri ana'-ana' gurunNa ngaseng Isa, angkanaya talamateai anjo ana' gurua. Na sikontutojenna tena na Nakana Isa angkanaya talamateai anjo ana' gurua passangalinna Nakananaja: “Ebara' angkana erokKa' natuli attallasa' sa'gengKu battu, anjo teai urusannu.”