Biblia Todo Logo
Bib sou entènèt

- Piblisite -




MARKUS 8:33 - KITTA' MATANGKASA'

33 Mingka assailemi Isa naNaciniki ngaseng ana'-ana' gurunNa. Nampa Nakalarroi Petrus Nakana, “A'lampako anrinni setang! Pikkirannu, pikkirang rupatau; teai pikkiranNa Allata'ala!”

Gade chapit la Kopi




MARKUS 8:33
24 Referans Kwoze  

Appialimi Isa Nakana, “A'lampako Billisi'! Nia' tattulisi' lalang ri Kittaka angkanaya: Sombai Batara, Allata'alanu, siagang Iaji bawang siratang tuli nupakala'biri'!”


Teako karimangngi dudui anne linoa, yareka apa-apa mamo niaka ilalang ri anne linoa. Punna nukarimangngi dudui linoa, tenamo nalanukarimangngi Manggea.


Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.


Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.


Punna nia' tau baji' ampakaingaka', siagang lambusuki pa'mai'na angngajarakka', iaminjo sanrapang minynya' kaminang baji' mae ri nakke. Poro tena lalo nakutollaki, saba' tulusu' appala' doangku ambaliangi kaja'dallanna ke'nanga.


Lanri le'ba'mi Nakasia' Almasi kasessanga lalang ri TubuNa, musti nupakajarre' tommi kalennu ri pammetang kammaya anjo. Nasaba' inai-nai angkasiaki kasessanga lalang ri tubuna, tenamo nagaukangi dosaya.


Inai-nai a'gau' dosa, musti nipakaingaki ri dallekanna sikontu jama'aka, sollanna a'jari malla' maraengannaya.


Musti nupassareangi anjo taua mae ri Billisika; sollanna panra' tubuna siagang lanri kammana nanipasalama' rohna ri wattu battuna pole ammotere' Batara.


Assailemi Isa mae ri Petrus. Nau'rangimi Petrus apa le'baka Napau Isa ri ia angkanaya, “Ri tenanapa nattingkoko janganga, pintallumMa' nusassali.”


Nampa Naciniki ngaseng tau niaka ammempo ri tammuliliNa. Nampa Nakana, “Iaminne ammakKu siagang sari'battangKu!


A'jari larromi Isa, na'la'bang Naciniki ngaseng tau niaka ri tammuliliNa. Mingka si'na tommi pa'mai'Na lanri kapala batuna ngaseng ke'nanga. Nampa Nakana ri anjo taua, “Pajonjoi limannu.” Napajonjomi limanna anjo taua, na'jari baji'mo.


Mingka tena sikali Nappiali Isa ri anjo bainea. Napala'mi ana'-ana' gurunNa sollanna Nasuro anjo tu bainea a'lampa. Nakanamo ke'nanga, “Bapa' Kisuro laloi anjo bainea a'lampa. Amminawanji apparicu ri bokota!”


Mingka nakanamo Daud mae ri Abisai siagang Yoab daenna, “Teako pantama'-tamakki. Angngapa nanususai ngasenga'? Anne alloa inakke a'jari karaeng ammotere' mae ri Israel, siagang takkulleai nia' tu Israel nihukkung mate.”


Teako pammoli'-molikangngi parannu tau, manna pole inai. Pakabajiki punna nia' passisala-salannu manna pole inai nuagang sisala-sala, sollanna tena nudoraka passabakkang tau maraeng.


Kammatojengi apa napaua anjo na'bia. Iami anjo saba'na namusti nuterassi nupakainga' ke'nanga; sollanna akkulle tuli anna'gala' jarre' ke'nanga ri ajarang tojenga,


Assailemi Isa, na Nakalarroi ke'nanga.


Appialimi Isa Nakana, “Nia' tattulisi' lalang ri Kittaka angkanaya, ‘Parallui nusomba Karaeng Allata'alanu, siagang Iaji bawang siratang nupakala'biri'!’ ”


Appialimi Ayub angkana, “Sangkammako tau dongoka a'bicara! Masa' bajikaji bawang ero' nitarima battu ri Allata'ala, nampa kodia lanitollaki?” Jari, manna pole nanituju Ayub ri sikontu anjo balaya, mingka tena nappasulu' kana-kana ambaliangi Allata'ala.


Mingka assailemi Isa ri Petrus nampa Nakana, “A'lampako anrinni, Setang! NualleA' nurompa-rompai. Antu pikkirannu, pikkirang rupatau; teai pikkiranNa Allata'ala!”


Swiv nou:

Piblisite


Piblisite