MARKUS 8:26 - KITTA' MATANGKASA'

²⁶ Le'baki anjo Nakanamo Isa ri anjo taua, “Ammotere' mako, siagang teako ammoteri mange ri anjo kotaya.”

MARKUS 8:26 Referans Kwoze

MATIUS 8:4

Le'baki anjo Nakanamo pole Isa ri anjo taua, “U'rangi! Tea' laloko caritai anne kajarianga manna pole ri nai. Mingka a'lampamako mange ri imanga, na nusuro paressa kalennu ri ia. Le'baki anjo, a'lampamako mange assare koro'bang situru' napassuroanga Musa; iaminjo a'jari butti ri taua angkanaya ma'nassa baji' mako ri garrinnu!”

MARKUS 8:23

Jari Nata'gala'mi Isa limanna anjo tau butaya naNarenreng assulu' battu ri anjo kotaya. Nampa Napi'rui Isa matanna anjo taua. Napadongkoki limanNa ri matanna anjo taua, nampa akkuta'nang ri ia Nakana, “Akkulle mako accini' apa-apa kamma-kamma anne?”

MARKUS 7:36

Nampa Napisangkai ngaseng Isa anjo taua ancaritai anjo kajarianga manna pole ri nai. Mingka pila' nipisangkai ri Isa, pila' napa'la'banji ke'nanga anjo kajarianga.

MARKUS 5:43

Mingka Napisangkai dudumi Isa ke'nanga ampappiassengangi anjo kajarianga manna pole ri nai. Nampa Nakana Isa, “Sarei kanre anjo anaka.”

MATIUS 12:16

Mingka Napisangkaimi ke'nanga ancaritai anjo apa Nagaukanga Isa mae ri tau maraenga.

MATIUS 9:30

Apaji nakkullemo accini' ke'nanga. Napakainga' dudumi Isa ke'nanga, sollanna tena napaui ke'nanga anjo kajarianga manna pole ri nai.

MARKUS 8:25

Napamangemi pole limanNa Isa ri matanna anjo taua. Nampa napikulle-kulleimi pole accini' anjo taua. A'jari baji'mi matanna siagang baji' ngasemmi nacini'na apa-apaya.