MARKUS 8:23 - KITTA' MATANGKASA'

²³ Jari Nata'gala'mi Isa limanna anjo tau butaya naNarenreng assulu' battu ri anjo kotaya. Nampa Napi'rui Isa matanna anjo taua. Napadongkoki limanNa ri matanna anjo taua, nampa akkuta'nang ri ia Nakana, “Akkulle mako accini' apa-apa kamma-kamma anne?”

MARKUS 8:23 Referans Kwoze

MARKUS 7:33

Naerammi Isa anjo taua a'lampa akkale-kale, nampa Napamange karemenNa ri tolinna anjo taua. Nampa appi'ru na Najama lilana anjo taua.

MARKUS 5:23

Na napala' dudu ri Isa nakana, “Bapa', sanna' sikali garrinna ana' baineku. Kupalaki naKibattu anta'galaki, sollanna akkulle baji', natea matei!”

LAMPA-LAMPANA 9:8

Ammentemmi Saulus naero' nasungke matanna, mingka takkulleami accini' apa-apa. Jari nita'gala'mi limanna ri ke'nanga, nampa nirenreng antama' ri Damsyik.

YESAYA 51:18

Battu ri pandudu'nu tena anrurungangko, battu ri tummantannu tena angnguluko.

YESAYA 44:2

INakke Batara ampa'jariako, amparekko baku' lalannu ri pammanakkanga, siagang antulungko. Teako mallakki, ikaumi atangKu, ummakKu Kupilea siagang Kukamaseanga.

PAPPICINI' 3:18

Lanri kammanami anjo naKupakaingakko sollannu ammalli ngaseng battu ri Nakke bulaeng, iamintu bulaeng ti'no', sollannu a'jari kalumanynyang. Ammalli todong mako battu ri Nakke pakeang kebo' sollannu akkulle ammakeang siagang nutongko' kalennu natena nussolara' siagang natena nuppakasiri'. Siagang ammalli todong mako pa'balle untu' nupasapu mae ri matannu, sollannu akkulle accini'.

IBRANI 8:9

Tasangkammayai passijanjiang Kupareka siagang boe-boena ke'nanga ri wattunna Kururungang ke'nanga assulu' battu ri butta Mesir. Allessoki ke'nanga ri passijanjiang Kupareka siagang ke'nanga, lanri kammanami anjo nataKujampangia ke'nanga.

YEREMIA 31:32

Mingka anjo parjanjianga tena nasangkamma parjanjiang Kupareka siagang boe-boena ke'nanga ri wattunna Kururungang assulu' ke'nanga battu ri Mesir. Manna pole Kurapang bura'nenna ke'nanga, mingka nadakkai ke'nanga parjanjiangKu siagang ke'nanga.

MARKUS 8:24

Accini'mi mae ri dallekang anjo taua, nampa nakana, “Iye'. Accini'ma' tau a'jappa-jappa mingka sangkammai ke'nanga poko'-poko'.”

MARKUS 8:26

Le'baki anjo Nakanamo Isa ri anjo taua, “Ammotere' mako, siagang teako ammoteri mange ri anjo kotaya.”

LAMPA-LAMPANA 23:19

Nata'gala'mi anjo komandanga limanna anjo turungkaya nampa naerang mange ri sa'riang akkale-kale. Nampa nakuta'nang nakana, “Apa ero' nupabattu mae ri nakke?”