MARKUS 8:22 - KITTA' MATANGKASA'

²² Battumi ke'nanga ri Betsaida. Anjoreng nia'mo tau buta naerang taua mae ri Isa, na napala' ri Isa sollanna Najama anjo tau butaya.

MARKUS 8:22 Referans Kwoze

MATIUS 11:21

“Cilaka mako ikau ngaseng tau niaka ammantang lalang ri Korazim! Kammayatompa ikau ngaseng tau niaka ammantang lalang ri Betsaida, cilaka ngaseng tommako! Ebara' angkana le'ba' tommi nigaukang anjo gau'-gau' appakalannasaka ri tangnga-tangnganu ri Tirus siagang Sidon, ma'nassa sallomi le'ba'na toba' siagang nasassala' kalenna tau niaka anjoreng.

MARKUS 6:45

Le'baki anjo Nasuromi ana'-ana' gurunNa Isa a'lampa linta' a'dongko' biseang a'lampa riolo mange ri Betsaida, ri ba'leanna tamparanga. Na anjo tau jaia Nasuro ngasemmi ammotere'.

LUKAS 10:13

“Cilaka mako ikau tau niaka ri Korazim! Siagang cilaka mako ikau tau niaka ri Betsaida. Naka'de' anjoreng ri kota Tirus siagang ri kota Sidon nigaukang anjo gau'-gau' appakalannasa' le'baka nigaukang ri tangnga-tangnganu, mattantu sallomi le'ba'na toba' tau niaka anjoreng. Siagang sallomi le'ba'na ammakeang tau susa siagang nabonei au ulunna ke'nanga, a'jari pammatei ri katobakkanna ke'nanga.

YOHANES 12:21

Battui ke'nanga mae ri Filipus akkuta'nang, angkana, “Punna akkulleja sari'battang, ero' ngasengki' anne assibuntulu' siagang Isa.” (Filipus, tu battu ri Betsaida, ri Galilea.)

YOHANES 1:44

Anne Filipus, tau battu ri Betsaida, iamintu kota pammantanganna Andreas siagang Petrus.

MARKUS 2:3

Lalang a'bicaraNa Isa, nia'mo tau appa' battu a'bule' tau peso', ero' naerang mae ri Isa.

MATIUS 8:15

Najamami Isa limanna anjo tau garringa, sa'genna ammari memang silalonna garrinna. Ambangummi nai', nampa mange allayani Isa.

MATIUS 9:29

Jari Najamami Isa matanna ke'nanga siagang Nakana, “Lanri tappa'nu, a'jarimi ri kau apa numinasaia.”

MATIUS 8:3

Naangka'mi limanNa Isa naNajama anjo tau garring salaya, na Nakana, “Kuerokangi, a'jari baji' mako!” Apaji nammari memammo silalonna garrinna anjo taua.

LUKAS 9:10

Ammotere'mi ana'-ana' gurunNa Isa. Nacarita ngasemmi ke'nanga mae ri Isa sikamma apa le'baka nagaukang ke'nanga. Nikio'mi ri Isa ke'nanga a'lampa anynya'la' ri kota Betsaida.

MATIUS 14:36

Napala'mi ke'nanga sollanna nipa'biang ke'nanga anjamai jubaNa Isa, manna cappa'naja. Na sikontu tau garring anjamayai jubaNa, a'jari baji' ngasemmi.

MARKUS 3:10

Sanna' jaina tau Naballei na'jari baji'. Sa'genna sisorong-sorong ngaseng minjo tau garringa, massing ero' a'reppese' nakkulle nasero Isa.