MARKUS 8:21 - KITTA' MATANGKASA'

²¹ Nakanamo pole Isa, “Jari tena ijapa nupahangi?”

MARKUS 8:21 Referans Kwoze

MARKUS 6:52

Anjo passala' roti limambatu appakalannasaka tenapa napahangi ke'nanga. Sukkara' sikali napahang ke'nanga.

MARKUS 8:12

Akkunraremmi Isa nampa appiali Nakana, “Apa saba'na anne taua ri jammanga nasuroA' appa'nia' gau' appakalannasa'? Tena! Tena nalaKupa'niakkang pammatei kammaya ke'nanga!”

1 KORINTUS 15:34

Angngu'rangi mako ri kamma-kammaya anne, siagang tea' mako eroki pole a'gau' dosa. Siratanna musti a'jari siri'-sirikko lanri nia'na ija ri tangnga-tangnganu tau tenapa natappa' ri Allata'ala.

1 KORINTUS 6:5

Punna kamma, teai sipato' appakasiri'-siri'na! Tantu nia'ja tu cara'de' ri tangnga-tangnganu ampakabajiki punna nia' para tu Karisteng assisala pahang!

YOHANES 14:9

Mingka appialimi Isa Nakana, “Teaimi sipato' salloKu nia' ri tangnga-tangnganu, mingka tenapa nanuassengA' Filipus? Inai-nai le'ba'mo ancinikKa', nacini' tommi antu Manggea. Apa saba'na nukkulle angkana, ‘Kipicinikiang sai bedeng ikambe anjo Manggea?’

MARKUS 9:19

Nakanamo Isa ri ke'nanga, “Teai ngasengko sipato' anne! Tau tena ngaseng tojeng tappa'nu. Siapapi salloKu lammantang anrurungangko siagang lasa'bara' ri kau ngaseng? Erangi mae antu anaka!”

MARKUS 8:17

Naassengi Isa anjo apa nabicaraya ke'nanga. Jari akkuta'nammi ri ke'nanga Nakana, “Angngapa naia nubicara anjo passala' tenana roti? Apa tena ijapa nuassengi siagang nupahangi? Angngapa nukurang pahang kamma?

PAMMUJI 94:8

He bansaku, teako dongo' kammai anjo, appilajara' mako ampakei akkala'nu!

MARKUS 8:22

Battumi ke'nanga ri Betsaida. Anjoreng nia'mo tau buta naerang taua mae ri Isa, na napala' ri Isa sollanna Najama anjo tau butaya.