MARKUS 8:15 - KITTA' MATANGKASA'

¹⁵ Nakana Isa ri ke'nanga, “Tutuko ri pa'gambanna tu Farisia siagang pa'gambanna Herodes.”

MARKUS 8:15 Referans Kwoze

MATIUS 16:6

Nakanamo Isa ri ke'nanga, “Tutuko ri pa'gambanna tu Farisia siagang tu Sadukia.”

MARKUS 12:13

Nia' siapa are tu Farisi siagang siapa are taunna Herodes nisuro mae akkuta'nang ri Isa, ero' napa'boyang kasalang.

KAIMANGNGANG 2:11

Koro'bang nipatalaya mae ri Batara takkulleai nipa'bengkoro' siagang bani yareka pa'gambang, lanri anjo je'ne' bania siagang pa'gambanga takkulleai nitunu untu' a'jari passare mae ri Batara.

PANGNGEBARANG 19:27

Ana', punna taeroka mako appilajara', lanukaluppai apa le'baka nupappilajari.

1 TIMOTIUS 6:13

Na kamma-kamma anne, ri dallekanNa Allata'ala assarea nyawa sikontu apa-apa attallasaka kammayatompa ri dallekanNa Isa Almasi assarea kasa'biang tojeng mae ri Pontius Pilatus, iaminne kuparentakanga mae ri kau:

MATIUS 14:1

Anjo wattua, Herodes a'jari karaeng ri pa'rasangang Galilea. Nalangngere'mi Herodes kabara'Na Isa.

2 TIMOTIUS 2:14

Yangasenna anne parallui nupappakaingakkang mae ri taua. Pakaingaki ri dallekanNa Allata'ala ke'nanga sollanna tena na'gea'-gea' ke'nanga passabakkang kana-kana. Anjo kammaya tena matu-matunna, passangalinna napa'lingu-linguji tau allangngerekai.

1 TIMOTIUS 5:21

Ri dallekanNa Allata'ala, Isa Almasi, siagang malaeka'-malaeka' nipileNa, kupala' tojeng-tojengi ri kau sollanna nuturuki anne pappakaingaka; teako ranggaselai manna ri nai, siagang teako assialle-alleangangi.

LUKAS 12:15

Nampa Nakana Isa ri sikamma tau niaka anjoreng, “Tutuko siagang jaga-jagako, gassingka a'jariko tau mangngoa. Nasaba' teai battu ri kakalumanynyanganna nattallasa' rupataua, manna pole sanna' jaina pa'barang-baranganna.”

1 PATTOTTORANG 28:20

Le'baki anjo nakanamo pole Karaeng Daud ri Salomo ana'na, “Musti matappakko na nubarani. Pakaramulaimi anjo jamanga siagang teako malla'-mallakki manna pole ri apa-apa mamo. Ia Karaeng Allata'ala kusombaya lantulungko. Tena nalaNabokoiko. Ia lanrurungangko sa'genna le'ba' anjo jama-jamanga.

MATIUS 14:3

Nasaba' le'baki pirangalloang nasuro jakkala' Herodes anjo Yohanes, nampa nasikko' na napantama' ri tarungkua. Passabakkang bainenna niarenga Herodias nanajakkala'. Na anjo Herodias, le'ba' bainenna sari'battanna iamintu niarenga Filipus, naalle nabuntingi Herodes.

MATIUS 14:6

Nia' se're wattu assua'-suaraki Herodes, ansua'-suarri allo kalassukanna. Anjo wattua nasuromi ana' tulolonna Herodias a'dansa ri dallekanna sikamma toana niaka hadere'. Nasanna' sannanna pa'mai'na Herodes anciniki lanri sanna' baji'na batena a'dansa tulolonna.

MARKUS 8:14

Nakaluppai ana'-ana' gurunNa Isa angngerang roti. Sibatuji roti nia' ri ke'nanga lalang ri biseanga.

MARKUS 8:16

Appakkaramulami nabicara ana'-ana' gurunNa Isa anjo passalaka. Nakana ke'nanga, “Nakkana kamma anjo katena ningngerang roti.”