MARKUS 8:12 - KITTA' MATANGKASA'

¹² Akkunraremmi Isa nampa appiali Nakana, “Apa saba'na anne taua ri jammanga nasuroA' appa'nia' gau' appakalannasa'? Tena! Tena nalaKupa'niakkang pammatei kammaya ke'nanga!”

MARKUS 8:12 Referans Kwoze

MARKUS 7:34

Le'baki anjo accongami nai' ri langika, nampa a'mai' la'bu na Nakana ri anjo taua, “Efata,” battuanna, “Tassungke mako!”

MATIUS 16:4

Teai sipato' ja'dala'na siagang dorakana ngaseng taua ri anne jammanga. NusuroA' anggaukangi gau' appakalannasaka. Mingka manna sirupa gau' appakalannasa' tena todong lanipicinikiangko, pantaranganna gau' appakalannasa' le'baka kajariang ri kalenna Na'bi Yunus.” Le'baki akkana kamma Isa, a'lampami ambokoi ke'nanga.

LUKAS 19:41

Ri wattunna pila' a'reppese' Isa ri Yerusalem, naNacini'mo anjo kotaya, angngarru'mi.

MARKUS 9:19

Nakanamo Isa ri ke'nanga, “Teai ngasengko sipato' anne! Tau tena ngaseng tojeng tappa'nu. Siapapi salloKu lammantang anrurungangko siagang lasa'bara' ri kau ngaseng? Erangi mae antu anaka!”

MARKUS 6:6

Lannasaki Isa lanri tenana natappa' ke'nanga ri Ia. Nampa a'lampa Isa mange angngajara' ri kampong niaka a'reppese' anjoreng.

MARKUS 3:5

A'jari larromi Isa, na'la'bang Naciniki ngaseng tau niaka ri tammuliliNa. Mingka si'na tommi pa'mai'Na lanri kapala batuna ngaseng ke'nanga. Nampa Nakana ri anjo taua, “Pajonjoi limannu.” Napajonjomi limanna anjo taua, na'jari baji'mo.

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

MATIUS 12:38

Le'baki anjo, nia'mo siapa are guru-guru agama siagang tu Farisi angkana ri Isa, “O Pa' Guru, eroki anne ikambe ancinikKi' anggaukangi gau' appakalannasaka.”

MARKUS 8:13

Nampa a'lampa Isa ambokoi ke'nanga, Nantama' ri biseanga; nampa a'limbang anta'leang ri ba'leanna tamparanga.