MARKUS 8:11 - KITTA' MATANGKASA'

¹¹ Nia' siapa are tu Farisi battu mae ri Isa, nappakkaramulamo naagang a'gea' Isa, ero' ampa'boyangi kasalang. Nasuromi ke'nanga Isa appa'nia' gau' appakalannasa', a'jari pammatei ma'nassa battu tojengi ri Allata'ala.

MARKUS 8:11 Referans Kwoze

1 KORINTUS 10:9

Takkulleaki' anso'ri Batara sangkamma nagaukanga ke'nanga riolo, sa'genna mate nitotto' ke'nanga ri ulara'.

MATIUS 12:38

Le'baki anjo, nia'mo siapa are guru-guru agama siagang tu Farisi angkana ri Isa, “O Pa' Guru, eroki anne ikambe ancinikKi' anggaukangi gau' appakalannasaka.”

MALEAKHI 3:15

Mata kalenta anciniki antekamma mate'nena tau tampoa. Tena napila' salewangang bawang tau ja'dalaka, mingka punna naso'ri kasa'baranNa Allata'ala lalang kaja'dallanna ke'nanga, tena tonja namangngapa-apa.’ ”

PAOLE 6:16

Teako paccoba-cobai Karaeng Allata'alanu sangkamma nugaukanga ri Masa.

YOHANES 4:48

Nakanamo Isa ri anjo pagawena karaenga, “Ka'de' tanucinika anjo gau'-gau' appakalannasa' le'baka Kugaukang, tena ngaseng nulatappa'.”

LUKAS 11:16

Nia' tommo siapa are tau ero' ampa'boyangi kasalang Isa. Jari nasuromi Isa anggaukangi gau'-gau' appakalannasaka, a'jari pammatei ma'nassana angkanaya battu tojengi ri Allata'ala.

KALAPPASSANG 17:7

Anjo tampaka niarengi Masa, lanri anjorengi ri tampaka tu Israel naso'ri Batara wattunna akkuta'nang ke'nanga angkana, “Apaka Narurungangki' Batara yareka tena?” Anjo tampaka niareng tongi Meriba, lanri anjoremmi ri tampaka akkunrareng tu Israel.

LAMPA-LAMPANA 5:9

Nakanamo Petrus ri ia, “Angngapa nusikongkolo' siagang bura'nennu ero' ancobai RohNa Batara? Pilangngerimi! Ammotere'mi tau mangea antarawangi bura'nennu. Lanaerang tongko ke'nanga assulu'.”

YOHANES 7:48

Niakka pamarentata yareka tu Farisi tappa' ri Ia?

YOHANES 6:30

Nakanamo ke'nanga, “Punna kamma, apa butti akkulle Kipappicinikang sollanna akkulle tappa' ikambe mae ri Katte Bapa'? Apa laKigaukang?

LUKAS 10:25

Nampa nia'mo sitau guru agama battu ero' ampa'boyangi sala Isa. Akkuta'nammi ri Isa nakana, “Bapa' Guru, apa musti kugaukang sollanna akkulle kugappa katallassang satunggu-tunggua?”

MARKUS 12:15

Mingka Naassengi Isa angkanaya munapeki ke'nanga. Jari appialimi Isa Nakana, “Angngapa nuero' ampa'boyangA' kasalang? PicinikiangsA' se're doe' pera'.”

MARKUS 2:16

Nia'mo siapa are guru-guru agamana tu Farisia anciniki Isa angnganre siagang anjo pasingara' simaya siagang anjo tu nicini' kodia ri tau jaia. Jari akkuta'nammi ke'nanga ri ana'-ana' gurunNa Isa angkana, “Angngapa nasiagang gurunnu anjo pasingara' simaya siagang anjo tu kodi kammaya ngaseng, angnganre?”

MATIUS 22:23

Ia todong anjo alloa nania' siapa are tu Saduki battu mae ri Isa. Anjo tu Sadukia tena natappa' angkanaya lattallasa' poleangi tau matea.

MATIUS 22:18

Mingka Naassemmi Isa pikkirang ja'dala'na ke'nanga. Jari Nakanamo ri ke'nanga, “E, tu munape'! Angngapa nuero' ampa'boyangA' sala?

MATIUS 22:15

Le'baki anjo a'lampami tu Farisia sipa'bicara; eroki ke'nanga a'boya pakkuta'nang sollanna akkulle nakuta'nang Isa nasala pappialinNa.

MATIUS 21:23

Le'baki anjo ammotere'mi Isa mange ri Balla'Na Batara. Antama'mi angngajara' lalang. Sitabanna angngajara', battumi mae ri Ia imang-imang kapalaya siagang pamimping-pamimpinna tu Yahudia. Akkuta'nammi ke'nanga angkana, “Apa passabakkanna nakkulle Nugaukang ngaseng anne? Inai assareKo koasa?”

MATIUS 19:3

Battumi tu Farisia ero' ampa'boyangi kasalang. Akkuta'nammi ke'nanga angkana, “Manuru' ri atorang agamata, maka akkulleji taua antallaki bainenna manna napassala' apa mamo?”

KALAPPASSANG 17:2

Jari a'moro-moromi ke'nanga ri Musa nakana, “Sarei ikambe je'ne' inung.” Appialimi Musa angkana, “Angngapa nu'moro-moro anso'ri Batara?”

YOHANES 8:6

Nakkuta'nang kamma ke'nanga, lanri eroki ke'nanga ampa'boyangi kasalang Isa sollanna akkulle ke'nanga assalakangi Isa. Mingka a'dunduji Isa, annulisi' siagang karemenNa naung ri buttaya.

MARKUS 9:16

Nakanamo Isa ri ana'-ana' gurunNa, “Apa nupa'geakkang siagang anjo guru-guru agamaya?”