MARKUS 7:25 - KITTA' MATANGKASA'

²⁵ Nia' sitau baine, nasosoki setang ana' bainena. Nalangngere'mi kabara'na Isa. Battumi mae ri Isa nassu'ju' ri dallekanNa.

MARKUS 7:25 Referans Kwoze

MATIUS 15:22

Nia'mo sitau baine tu Kanaan niaka anjoreng ri daeraya battu mae ri Isa akkiok-kio' angkana, “O Ana'na Daud, Kikamaseanga'! Napantamakki setang ana' baineku. Sanna' dudumi sessana!”

LUKAS 17:16

Nampa mange ri dallekanNa Isa, anynyomba appala' sukkuru' ri Isa. Anjo taua tau battu ri pa'rasangang Samaria.

MARKUS 5:33

Anjo bainea, naassennamo apa kajarianga ri kalenna, a'jari malla'mi siagang annekkere'mi. Su'ju'mi ri dallekanNa Isa na namangakui ngaseng apa nagaukanga.

MARKUS 1:40

Nia' sitau tau garring sala battu mae ri Isa. Akkulantu'mi anjo taua na nakana, “Punna Kikaerokangi Bapa', akkulleKi' amballeia' ku'jari baji'.”

MARKUS 7:24

Le'baki anjo a'lampami Isa ambokoi anjo tampaka nampa mange ri daera ambania ri kota Tirus. Antama'mi ri se'reang balla'. Taerokai niasseng ri taua angkana niaki anjoreng. Mingka takkulleai Nacokko KalenNa.

MARKUS 7:26

Nampa napala' dudu ri Isa sollanna Nabongka assulu' anjo setanga battu lalang ri ana'na. Anjo bainea teai tu Yahudi. Anjorengi ri daera Fenisia, pa'rasangang Siria, nilassukang.