MARKUS 7:24 - KITTA' MATANGKASA'

²⁴ Le'baki anjo a'lampami Isa ambokoi anjo tampaka nampa mange ri daera ambania ri kota Tirus. Antama'mi ri se'reang balla'. Taerokai niasseng ri taua angkana niaki anjoreng. Mingka takkulleai Nacokko KalenNa.

MARKUS 7:24 Referans Kwoze

MATIUS 11:21

“Cilaka mako ikau ngaseng tau niaka ammantang lalang ri Korazim! Kammayatompa ikau ngaseng tau niaka ammantang lalang ri Betsaida, cilaka ngaseng tommako! Ebara' angkana le'ba' tommi nigaukang anjo gau'-gau' appakalannasaka ri tangnga-tangnganu ri Tirus siagang Sidon, ma'nassa sallomi le'ba'na toba' siagang nasassala' kalenna tau niaka anjoreng.

YEHEZKIEL 28:2

“He tau, pabattui mae ri karaeng Tirus apa Kupaua, iNakke, Batara Kaminang Tinggia, mae ri ia, angkana, ‘Tampoko ampaui kalennu angkana rewatako ammarentaya ri tangnga-tangngana tamparanga. Akkulleko nukana kalennu rewata, mingka u'rangi, angkanaya ikau poro tau biasajako bawang.

1 TIMOTIUS 5:25

Kamma tomminjo panggaukang-panggaukang bajika a'nassa memammi nicini'. Siagang manna sukkaraka nicini', tena todong nakkulle tuli lataccokko.

MATIUS 9:28

Ri wattunna antama' Isa ri se'reang balla', battumi anjo ruaya tau buta mae ri Isa. Akkuta'nammi Isa ri ke'nanga Nakana, “Maka nupatappaki angkanaya akkulleko Kubajiki sa'gennu accini'?” Appialimi ke'nanga angkana, “Iye' tappaki ikambe!”

PA'JARIANG 10:15

Sikamma ana'na Kanaan, iamintu Sidon ana' toana siagang Het.

MARKUS 2:1

Siapa are allo ribokoanganna, ammotere'mi Isa mange ri Kapernaum. Tassiara'mi kabaraka angkana niaki ri balla'.

YESAYA 42:2

Tena nalammarrang yareka akkio' lompo, tena nalakalangngerang sa'ranna ri aganga.

YESAYA 23:12

Nakana Batara, “He, kota Sidon! Tenamo nulassannang-sannang pole. Nijallakkammi pandudu'nu. Manna pole nalari ke'nanga mange annompang ri Siprus, tena todong nalaamang ke'nanga.” (

PA'JARIANG 49:13

Zebulon lammantang ri ampi' tamparang; lalabui sikamma kappalaka ri biring tamparanna; sa'genna Sidon pa'baeng-baeng daerana.

PA'JARIANG 10:19

sa'genna luara'na pa'rasanganna ke'nanga iamintu appakkaramula pa'bambaeng-baenna battu ri Sidon a'lampa timboro' sa'genna Gerar, sa'genna ri ampi'na Gaza, siagang a'lampa anrai' mange ri Sodom, Gomora, Adma, siagang Zeboim, sa'genna ri ampi'na Lasa.

MARKUS 7:23

Sikontu apa-apa kodia, battu lalang ngasengi ammumba, na iaminjo ampa'jari ra'masaki taua.”

MARKUS 7:25

Nia' sitau baine, nasosoki setang ana' bainena. Nalangngere'mi kabara'na Isa. Battumi mae ri Isa nassu'ju' ri dallekanNa.

MARKUS 7:31

Le'baki anjo a'lampami Isa ambokoi daera Tirus, na Napatulusu' lampaNa, allalo ri Sidon mange ri Tamparang Galilea. Oloang allaloa ri daera Sampuloa Kota Naolo.