MARKUS 7:17 - KITTA' MATANGKASA'

¹⁷ Ri wattunna Nabokoimo Isa anjo tau jaia nampa antama' ri balla', napakkuta'nangammi ana'-ana' gurunNa apa battuanna anjo pangngebarang le'baka Napau Isa.

MARKUS 7:17 Referans Kwoze

MATIUS 15:15

Angkanami Petrus, “Kipakasingara' sai battuanna anjo pangngebaranga ri kambe, Bapa'!”

MATIUS 13:36

Le'baki anjo, Nabokoimi Isa anjo tau jaia, nampa antama' ri balla'. Battumi ana'-ana' gurunNa akkuta'nang angkana, “Kipakasingara' sai ri kambe battuanna anjo pangngebarang rea attimboa ri alla'na asea.”

MARKUS 9:28

Ri wattunna nia'mo Isa ri balla', na Ia mami siagang ana'-ana' gurunNa, akkuta'nammi ana'-ana' gurunNa angkana, “Apa saba'na nakitakkullea ikambe ambongkai anjo roh ja'dalaka?”

MARKUS 4:34

Punna Naajara' taua ammakei pangngebarang. Mingka punna Ia mami siagang ana'-ana' gurunNa, Napakasingara' ngasemmi battuanna anjo pangngebaranga mae ri ke'nanga.

MARKUS 4:10

Ri wattunna Kale-kalenNa mami Isa, battumi ana'-ana' gurunNa siagang tau le'baka allangngerekai pangngajara'Na. Nasuro pakasingara'mi ke'nanga battuanna anjo pangngebaranga.

MATIUS 13:10

Le'baki anjo battumi ana'-ana' gurunNa Isa akkuta'nang ri Ia angkana, “Angngapa Kimmake pangngebarang punna angngajarakKi' mange ri anne tau jaia?”

MARKUS 2:1

Siapa are allo ribokoanganna, ammotere'mi Isa mange ri Kapernaum. Tassiara'mi kabaraka angkana niaki ri balla'.

MARKUS 3:20

Le'baki anjo ammotere'mi Isa mange ri balla'. Mingka battumi pole a'lipung tau jaia, sa'genna tenamo nasawe angnganre Isa siagang ana'-ana' gurunNa.

MARKUS 7:16

Jari, punna nia' tolinnu, pilangngerimi.]”

MARKUS 7:18

Nakanamo Isa ri ke'nanga, “Apaka tena ijapa nupahangi? Maka takkulleai nupahang angkanaya anjo apa-apa antamaya ri bawana taua tena nakkulle ampa'jari ra'masaki taua?