MARKUS 7:13 - KITTA' MATANGKASA'

¹³ Jari, battu ri pangngajarrannu ngaseng tonji, na nupattaenamo kana-kananNa Allata'ala. Jai pole apa sangkammaya anne nugaukang ngaseng.”

MARKUS 7:13 Referans Kwoze

MARKUS 7:9

Nampa Nakana pole Isa, “Cara'de' sikaliko ansorongbokoi apa Napassuroanga Allata'ala, sollanna akkulle nupakajarre' atorang kalennu.

TITUS 1:14

siagang tenamo natappa' ke'nanga mae ri carita-carita kosonna tu Yahudia yareka paratorang-paratorang napareka taua untu' ansorongbokoi pangngajarang tojenga.

HOSEA 8:12

AnnulisiKa' jai sikali pangngajarang untu' ke'nanga, mingka kabusu'na anjo natolla' ngasengi ke'nanga, lanri nakanana tena passisambunganna ke'nanga siagang anjo pangngajaranga.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

MARKUS 7:3

Anjo tu Farisia, kammayatompa sikontu tu Yahudia, sanna' sikali nakatutuina ada'-ada'na tu riolona ke'nanga. Tena nangnganre ke'nanga punna tena nabissai rolong limanna ke'nanga manuru' cara-cara nipattantua.

MATIUS 15:6

anjo tau kammaya tenamo nakkulle nikellai dudu ampakala'biriki tau toana. Jari lanri ada'-ada'na tu riolonu nanubalang parekang kana-kana Napangngajarranga Allata'ala.

YEHEZKIEL 18:14

Ebara' angkana anjo tau a'gau' jaia kaja'dallang nia' ana'na, nampa anjo anaka naciniki anjo sikontu panggaukanna manggena, mingka tena naturuki.

GALATIA 5:21

kammayatompa assereatia, painunga sa'genna nasa'ring, assua'-suara' appala'busuka apa-apa, na maraengannaya. Yangasennami anjo kupakaingakkangko kamma-kamma anne; sangkamma todong kupakainga'nu pirangalloang, angkanaya anjo tau a'gau' kammaya takkulleai a'jari anggota Umma'Na Allata'ala.

MARKUS 7:5

Lanri kammana minjo nakkuta'nammo tu Farisia siagang guru-guru agamaya mae ri Isa, angkana, “Angngapa natena nabissai limanna ana'-ana' gurunNu punna ero' angnganre? Apa saba'na natena naturuki ana'-ana' gurunNu ada'-ada'na tu riolota?”

MARKUS 7:12

lanri kammana minjo na nulappassammo taua ambalang parekangi anrong-manggena.

MARKUS 7:14

Nampa Nakio' pole Isa sikalipa anjo tau jaia, na Nakana ri ke'nanga, “Pilangngerimi sollanna nupahang!

GALATIA 1:14

Ri passala'na anggaukangai pangngajaranna agama Yahudia, inakkemi kaminang la'bi ri sikontu tu Yahudi sanrungka-rungkaku. Inakkemi kaminang rajeng angkatutui ada'na boe-boena ikambe.