MARKUS 6:6 - KITTA' MATANGKASA'

⁶ Lannasaki Isa lanri tenana natappa' ke'nanga ri Ia. Nampa a'lampa Isa mange angngajara' ri kampong niaka a'reppese' anjoreng.

MARKUS 6:6 Referans Kwoze

MATIUS 9:35

Kammaminjo pa'lampanna Isa akkuliling battu ri se'reang kota mange ri kota maraenga; battu ri se'reang kampong mange ri kampong maraenga. Angngajara'mi lalang ri sikamma balla' sambayanga, siagang Napabattumi Kabara' Kasalamakkanga, ri passala' antekamma bateNa ammarenta Allata'ala salaku Karaeng. Naballei ngasemmi tau garringa na'jari baji' ngasemmo. Na anjo tau garringa a'rupa-rupai garrinna siagang kasessanna. Kammayatompa tu sala-salanga nabajiki ngaseng tommi.

MATIUS 8:10

Nalangngere'na Isa kananna anjo perwiraya, teaimi sipato' lannasa'na. Nakanamo ri sikamma tau niaka amminawang ri Ia, “Teai sipato' anne taua. Tenanniakkapa le'ba' Kubuntulu' tau lompo kammaya anne tappa'na ri alla'na tu Israel!

LUKAS 13:22

Lalang a'jappaNa Isa mange ri Yerusalem, assengkami angngajara' ri kota-kotaya siagang kampong-kamponga.

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

YESAYA 59:16

Lannasaki lanri tenana tau maju siagang tenana appattojeng. Jari Napakemi kakoasang KalenNa untu' ampasalamaki siagang assarei ke'nanga pammetang.

YOHANES 9:30

Appialimi anjo taua nakana, “Appakalannasa' sikali punna tena ngaseng nanuassengi angkanaya battu kemae assala'Na, nakule'ba'mo anne Naballei sa'gengku akkulle accini'.

MATIUS 4:23

Wattunna ri Galilea, a'lampai Isa angnginroi sikontuna anjo pa'rasanganga. Angngajaraki ri sikamma balla' sambayanga siagang Nabirittakammi Kabara' Bajika angkanaya lammarentami Allata'ala. Naballei tommi sikamma tau garringa siagang tau sala-salanga sa'genna baji' ngaseng.

YEREMIA 2:11

Tale'bakai nia' se're bansa ansambei rewatana manna pole naanjo teai Allata'ala sitojennaya. Mingka, ummakKu le'bakKa' nasambei, kalompoanna ke'nanga siagang se'rea apa takkulle appare' apa-apa.

LUKAS 4:44

Lanri kammana minjo Nakkato'ba Isa lalang ri sikamma balla' sambayanga, ri sikontu pa'rasangang Yudea.

LUKAS 4:31

Nampa a'lampa Isa mange ri kota Kapernaum ri Galilea. Naajara'mi taua anjoreng ri allo Pammari-marianga.

MARKUS 1:39

Jari a'lampami Isa a'la'bang ri sikontu Galilea. Akkato'bami lalang ri sikamma balla' sambayanga. Siagang Nabongka ngasemmi setang-setanga battu lalang ri kalenna sikamma tau nisosoka ri setang.

MARKUS 10:1

Nampa Nabokoi Isa anjo tampaka, Na'lampa mange ri daera Yudea, siagang ri daera ba'leanna Binanga Yordan. Battumi pole tau jaia a'lipung ri tammulilina Isa. Na kamma biasa, Naajara'mi Isa ke'nanga.