Biblia Todo Logo
Bib sou entènèt

- Piblisite -




MARKUS 6:41 - KITTA' MATANGKASA'

41 Nampa Naalle Isa anjo roti limambatua siagang anjo juku' ruang kayua; nampa acconga nai' ri langika, appala' sukkuru' ri Allata'ala. Le'baki anjo Nabage-bagemi anjo rotia ri limanNa nampa Napassareang mae ri ana'-ana' gurunNa, sollanna natawa-tawai anjo tau jaia. Kammayatompa anjo juku' ruang kayua, natawa-tawai ngaseng tommi ke'nanga.

Gade chapit la Kopi




MARKUS 6:41
22 Referans Kwoze  

Nasuromi anjo tau jaia ammempo naung ri paranga. Le'baki anjo, Naallemi anjo roti limambatua siagang juku' ruang kayua. Nampa acconga nai' ri langika, appala' sukkuru' ri Allata'ala. Nabage-bagemi anjo rotia, nampa Napassareang mae ri ana'-ana' gurunNa, sollanna natawa-tawai anjo tau jaia.


Le'baki anjo accongami nai' ri langika, nampa a'mai' la'bu na Nakana ri anjo taua, “Efata,” battuanna, “Tassungke mako!”


Ri wattunna ammempo sipangnganreang ke'nanga, angngallemi roti Isa. Appala' sukkuru'mi ri Allata'ala, naNapue-pue anjo rotia, nampa Napassareang mae ri ke'nanga.


Nampa Naalle Isa anjo roti limambatua siagang juku' ruang kayua. Accongami nai' ri langika, appala' sukkuru' ri Allata'ala. Le'baki anjo Nabage-bagemi anjo rotia siagang jukuka; nampa Napassareang mae ri ana'-ana' gurunNa, sollanna natawa-tawai anjo taua.


Apa-apa mamo nugaukang – angnganreko yareka angnginungko – gaukammi anjo untu' ampakala'biriki Allata'ala.


Le'baki akkana kamma, accongami Isa nai' ri langika nampa Nakana, “Bapa', kamma-kamma anne narapi'mi wattunna. Kipakala'biri'mi AnatTa, sollanna Napakala'biri' tongKi' AnatTa.


Jari napalesammi ke'nanga anjo batua. Nampa acconga Isa nai' ri langika na nakana, “Tarima kasi', Bapa', lanri Kipilangngerinna pappalakKu.


Ri wattunna angnganre ke'nanga, angngallemi roti Isa, nampa appala' sukkuru' ri Allata'ala. Le'baki anjo Nabage-bagemi anjo rotia siagang limanNa, nampa Natawa-tawai ana'-ana' gurunNa, na Nakana, “Allemi, siagang kanremi, iaminne pangngebarranna batangkalengKu.”


Sikontu apa nugaukanga yareka nupaua, musti nugaukangi siagang nupaui lalang arenNa Batara Isa. Appala' sukkurukko mae ri Allata'ala Manggea lanri apa le'baka Nagaukang Isa untu' ikau.


Nia' tau ampa'jari la'bi paralluangangi allo-allo attantua, lanri ero'na napakala'biri' Batara. Nia' tau a'rupa-rupai nakanre, lanri ero'na napakala'biri' Batara, nasaba' napakei appala' sukkuru' mae ri Allata'ala anjo kanrea. Kammatommi anjo tau kanre-kanreang attantuaji bawang nakanre; anjo taua napakala'biriki Batara siagang appala' sukkuruki mae ri Allata'ala.


Nampa nia'mo siapa are biseang battu ri kota Tiberias mange anjoreng ri ampi'na tampa' le'baka napangnganrei roti tau jaia ri wattunna nisare ri Isa.


Le'baki anjo, Naallemi Isa anjo rotia nampa appala' sukkuru' ri Allata'ala. Nampa Nabage-bage anjo rotia mae ri anjo tau jaia. Napakamma tomminjo jukuka; le'baki appala' sukkuru' Nabage-bage tommi anjo jukuka. Nangnganre ngasemmo ke'nanga sa'genna bassoro'.


Ri wattu angnganre bangngina Isa, angngallemi roti nampa appala' sukkuru'. Nampa Napue-pue anjo rotia. Le'baki anjo Natawa-tawaimi ana'-ana' gurunNa, Nakana, “Allei, kanremi, iaminne tubuKu.”


Nampa Naalle anjo roti tujumbatua siagang anjo jukuka. Le'baki appala' sukkuru' ri Allata'ala, Nabage-bagemi anjo rotia siagang jukuka nampa Napassareang mae ri ana'-ana' gurunNa. Natawa-tawaimi ke'nanga anjo tau jaia.


Langnganreko sa'genna sukku' pa'mai'nu siagang sukkuru' mae ri Karaeng Allata'alanu lanri anjo butta coppong Napassareanga mae ri kau.”


Le'baki akkana kamma Paulus, angngallemi roti nampa appala' sukkuru' mae ri Batara ri dallekanna ngaseng ke'nanga. Nampa napa'bage-bageang anjo rotia, nanakanre anjo rotia.


Na atoro'mi kalenna ke'nanga ammempo a'gompo-gompo. Nia' tassibilangngang sipammempoang, nia' todong ta'limampulo sipammempoang.


Angnganre ngasemmi ke'nanga sa'genna bassoro' ngaseng.


anjo passala' limambatua roti, le'baka Kubage-bage untu' tau limassa'bua? Pirangbaku' rassi ammantang le'baka nupasse're?” Appialimi ke'nanga angkana, “Sampulo anrua.”


Swiv nou:

Piblisite


Piblisite