MARKUS 6:4 - KITTA' MATANGKASA'

⁴ Jari Nakanamo Isa ri ke'nanga, “Se'rea na'bi nipakalompoi ri kere-keremae. Mingka tanijampangiai ri kampong kalenna, ri tangnga-tangngana sari'battanna, yareka ri bija-bijanna todong.”

MARKUS 6:4 Referans Kwoze

YOHANES 4:44

Le'ba'mi Napau Isa angkanaya, “Tena nalanipakalompo se'rea na'bi ri pa'rasangang kalenna.”

LUKAS 4:24

Nasambungimi pole bicaranNa Isa Nakana, “U'rangi angkanaya tenanniakka na'bi nipakalompo ri kampong kalenna.

MATIUS 13:57

Jari tenamo naero' taua antarimai Isa antama' anjoreng ri pa'rasanganga. Nakanamo Isa ri ke'nanga, “Punna na'bi taua, nipakalompoi ri kere-keremae; mingka punna ri kamponNa yareka ri balla' KalenNa tonji, taerokai taua ampakalompoi.”

YEREMIA 12:6

Nibaliang mako ba'lalo ri bija pammanakannu tonji; amminawangi ke'nanga ambakkaiko. Teako tappakki mae ri ke'nanga, manna pole nate'ne bicaranna ke'nanga.”

YEREMIA 11:21

Nakellai sikalia' taua ri kota Anatot sollangku mate. Nakana ke'nanga, “Punna tulusu' nupabattuna pasang-pasanNa Batara mae ri kambe, lanibunoko ri kambe.”

MARKUS 6:1

Nabokoimi Isa anjo tampaka, nampa ammotere' mange ri kamponNa siagang ana'-ana' gurunNa.