MARKUS 6:3 - KITTA' MATANGKASA'

³ Sai anne taua tukang kayu, ana'na Maria, sari'battanna Yakobus, Yoses, Yudas, siagang Simon? Ba, manna sari'battanNa bainea anrinni ngasengi ammantang.” Lanri kammana, teami ke'nanga antarimai Isa.

MARKUS 6:3 Referans Kwoze

MATIUS 12:46

Lalang a'bicaraNa Isa siagang anjo tau jaia, battumi amma'Na siagang sari'battanNa. Eroki antama' ke'nanga angngagangi a'bicara Isa.

YOHANES 6:42

Nakanamo ke'nanga, “Sai iaminne Isa, ana'naya Yusuf? Naassengi ikambe amma'Na siagang manggeNa! Antekamma lakkulle Nakana KalenNa tu manurungi battu ri suruga?”

YUDAS 1:1

Sikamma sari'battangku, ia le'baka nikio' siagang sannaka nikamaseanna ri Allata'ala Manggea, kammayatompa nikatutuia untu' Isa Almasi. Battu ri nakke, atanNa Isa Almasi, iamintu Yudas, sari'battanna Yakobus;

GALATIA 1:19

Tena nakusigappa siagang sikamma suro maraenganga, pantaranganna Yakobus, sari'battanNaya Batara.

MATIUS 11:6

Mate'nemi tau tenaya nasorongbokoA'!”

LAMPA-LAMPANA 1:13

Ri wattunna battu ke'nanga mange ri Yerusalem, mangemi ke'nanga ri balla' napannumpangia ke'nanga, nampa nai' ke'nanga ri kamara' ratea ri lotenga. Anjo sikamma tunisuroa iamintu Petrus, Yohanes, Yakobus, Andreas, Filipus, Tomas, Bartolomeus, Matius, Yakobus ana'naya Alfeus, Simon nigallaraka Patriot, na Yudas ana'naya Yakobus.

MARKUS 15:40

Nia' todong siapa are bai'-baine ancini' battu bellai anjo sikamma apa kajarianga. Niaki Salome, Maria Magdalena, siagang Maria amma'na Yakobus loloa, kammayatompa Yoses.

1 KORINTUS 1:23

Mingka ikatte anne iaji bawang nibirittakang iamintu biritta ri passala'na Isa Almasi le'baka mate ri kayu sallika. Anjo birittaya napakanassui pa'mai'na tu Yahudia, siagang nicini' a'balle-ballei ri bansa-bansa maraenga. Na bansa maraenga nakanai kadongokang anjo kammaya.

YOHANES 14:22

Akkuta'nammi Yudas (teai Yudas Iskariot) ri Isa nakana, “O Batara, angngapa naKiero' ampa'nyatai KalenTa ri kambe anne, mingka tena Kipa'nyatai KalenTa mae ri linoa?”

LUKAS 7:23

Mate'nemi tau tenaya naero' ansorongbokoA'.”

LUKAS 2:34

Nabarakkakimi Simeon ke'nanga; siagang nakana ri Maria, “Le'ba'mi nipile ri Allata'ala anne anaka untu' anghukkungi siagang untu' appasalama' jai tu Israel. La'jari pannanrai battu ri Allata'ala, lanibaliangi ri tau jaia,

YESAYA 49:7

Nakana Allata'ala matangkasa', Mappasalama'na Israel, mae ri tu nihina dudua, siagang nikabirisia ri bansa-bansaya kammayatompa a'jari ataya ri sikamma tukoasaya, “Sikamma karaenga lanaciniki panggaukangKu; lambangungi ke'nanga ampakalompoA'. Sikamma tukoasaya lanacini' tongi, nampa su'ju' anynyomba.” Kajariangi anjo kammaya lanri le'ba'mi Napile Batara atanNa; Allata'ala matangkasa'na Israel majarreki ri janjinNa.

1 PETRUS 2:4

Lanri kammana, battu mako mae ri Batara. Iami sanrapang batu mattallasaka, iamintu batu nipelaka ri rupataua lanri nakana tena matu-matunna; mingka nipilei ri Allata'ala a'jari batu lompoa anggaranna.

1 KORINTUS 9:4

Maka tena nakusiratang anggappa kanre siagang je'ne' inung lanri jama-jamangku?

MARKUS 3:18

Andreas, Filipus, Bartolomeus, Matius, Tomas, Yakobus ana'na Alfeus, Tadeus, Simon nigallaraka Patriot,

LAMPA-LAMPANA 12:17

Nikodemi siagang lima ke'nanga ri Petrus, sollanna sannang ke'nanga. Nampa nacarita antekamma bateNa Batara angngerangi assulu' ri tarungkua. Nampa nakana, “Pabattumi anne kabaraka mae ri Yakobus siagang sikamma sari'battang maraengannaya.” Le'baki anjo, a'lampami Petrus ambokoi anjo tampaka, nampa mange ri tampa' maraenga.

LUKAS 8:20

Nia'mo sitau angkana mae ri Isa, nakana, “Pa', niaki ammatTa siagang sari'battanTa pantarang. Eroki ke'nanga angngagangKi' sicini'.”