MARKUS 6:26 - KITTA' MATANGKASA'

²⁶ Nalangngere'na Herodes anjo apa napalaka, sanna'mi susana nyawana. Mingka takkulleami tanaturukiang, lanri le'ba'mi assumpa ri dallekanna ngaseng toananna.

MARKUS 6:26 Referans Kwoze

MATIUS 14:9

Nalangngere'na Herodes anjo apa napalaka, teaimi sipato' susana nyawana. Mingka lanri le'ba'namo a'janji siagang assumpa ri dallekanna ngaseng toananna, takkulleami tanaturukiang pappala'na anjo tuloloa.

DANIEL 6:14

Nampa nakanamo ke'nanga ri karaenga, “Daniel, kalase'renna tunipelaka battu ri Yehuda, tena najampangiki' karaeng, siagang nabawang-bawangngangi parentata. Ta'atoroki appala' doang tappintallu siallo.”

MARKUS 6:25

Ammotere'mi linta' anjo tuloloa mae ri Herodes nampa nakana, “Kupalaki na nisareanga' ulunna Yohanes Paje'ne'. Ia memang anne wattua, nipadongko' rate ri kapparaka!”

MARKUS 6:27

Jari nasuromi linta' pangawala'na mange angngallei ulunna Yohanes Paje'ne'. A'lampami anjo surudadua mange ri tarungkua, nampa nasamballe Yohanes.

2 SAMUEL 14:21

Le'baki anjo nakio'mi karaenga anjo Yoab nampa nakana ri ia, “Anjo apa nukaerokia lakugaukangi. A'lampamako mange ambuntuli Absalom siagang erammi ammotere' mae anrinni.”