MARKUS 6:25 - KITTA' MATANGKASA'

²⁵ Ammotere'mi linta' anjo tuloloa mae ri Herodes nampa nakana, “Kupalaki na nisareanga' ulunna Yohanes Paje'ne'. Ia memang anne wattua, nipadongko' rate ri kapparaka!”

MARKUS 6:25 Referans Kwoze

ROMA 3:15

Sanna' linta'na a'dakka bangkenna ke'nanga punna ero' assessa tau siagang ammuno.

PANGNGEBARANG 1:16

Tena nalammakkang ke'nanga punna tenapa na'gau' ja'dala'. Eroki akkaro-karo ke'nanga ammuno.

MATIUS 3:1

Anjo wattua nia'mi Yohanes Paje'ne' battu ri parang lompoa ri Yudea. Appakkaramulami akkato'ba nakana,

MATIUS 14:8

Na lanri niajara' salai ri amma'na, nakanamo anjo tuloloa, “Kupalaki nanisareanga' ulunna Yohanes Paje'ne'. Ero' memanga' kamma-kamma anne nipadongko' irate ri kapparaka!”

MARKUS 6:24

Jari assulu'mi anjo tuloloa mae akkuta'nang ri amma'na nakana, “Amma', apa baji' kupala'?” Appialimi amma'na nakana, “Pala'mi ulunna Yohanes Paje'ne'.”

MARKUS 6:26

Nalangngere'na Herodes anjo apa napalaka, sanna'mi susana nyawana. Mingka takkulleami tanaturukiang, lanri le'ba'mi assumpa ri dallekanna ngaseng toananna.