MARKUS 6:15 - KITTA' MATANGKASA'

¹⁵ Mingka tau maraenganga nakana, “Iami Elia.” Nia' pole angkana, “Ia na'bi, sangkamma kalase'renna na'bi rioloa.”

MARKUS 6:15 Referans Kwoze

MATIUS 21:11

Appialimi tau jaia niaka anrurungangi Isa angkana, “Na'bi Isa, battu ri Nazaret, ri Galilea.”

MARKUS 8:28

Appialimi ke'nanga angkana, “Nia' angkana Yohanes Paje'ne'; nia' todong angkana Elia; na maraenganga angkana: kalase'renna na'bia.”

MATIUS 16:14

Appialimi ana'-ana' gurunNa nakana, “Nia' angkana Yohanes Paje'ne'. Nia' todong angkana Elia. Maraengannaya angkana Yeremia, yareka kalase'renna na'bi-na'bia.”

MALEAKHI 4:5

Mingka ri tenanapa nabattu anjo allo hebaka siagang appakamalla' le'baka Kupattantu, laKusuroi battu Na'bi Elia.

YOHANES 9:17

Jari akkuta'nammi pole anjo tu Farisia ri anjo tau le'baka buta angkana, “Antekamma panggappanu ri anjo Tau le'baka amballeiko nukkulle accini'?” Appialimi nakana, “Na'bi anjo Taua.”

YOHANES 7:40

Jai tau allangngereki anjo apa Napaua Isa. Na nia'mo ri ke'nanga angkana, “Mattantuna Na'bi anne Taua!”

YOHANES 6:14

Nacini'na tau jaia anjo gau' appakalannasa' Nagaukanga Isa, nakanamo ke'nanga, “Ma'nassa Iaminne Na'bi niminasaia labattu ri linoa!”

YOHANES 1:25

angkana, “Punna teaiko Karaeng Mappasalamaka, teaiko Elia, teai tongko Na'bi, apa saba'na nuje'ne' tau?”

YOHANES 1:21

Akkuta'nammi pole ke'nanga angkana, “Jari punna kamma, inaiko antu padeng? Ikau kutadeng Elia?” Appialimi Yohanes nakana, “Teai.” Akkuta'nammi pole ke'nanga angkana, “Maka Na'biko kapang?” Appialimi pole Yohanes nakana, “Teai.”

LUKAS 9:19

Appialimi ke'nanga angkana, “Nia' tau angkana Yohanes Paje'ne'. Nia' todong tau angkana Elia. Na maraenganga nakana kalase'renna na'bi jammang rioloa, attallasa' poleanga ammotere'.”

LUKAS 9:8

Nia' todong tau angkana nia'mi pole battu Elia. Maraenganga angkana sitau na'bi riolo dudua attallasa' poleang ammotere'.

LUKAS 7:39

Nacini'na anjo tu Farisi patannaya balla' appakamma anjo bainea, nakanamo lalang ri nyawana, “Punna na'bi anne Taua, tantu Naassengi angkanaya baine apa anjo baine anjamayai; tantu Naassengi angkanaya anjo bainea, baine sanna' jaina dosana!”

LUKAS 7:16

Malla' ngasemmi taua, na mammuji-muji ri Allata'ala. Nakanamo ke'nanga, “Ammumbami na'bi lompoa ri tangnga-tangngata! Nia'mi battu Allata'ala ampasalamaki umma'Na!”

LUKAS 1:17

La'jari tunisuro magassinNai Allata'ala, siagang lakoasai sangkamma Na'bi Elia. Lanapassiamaki manggea siagang ana'na. Na lanapimping tau tenaya nappilangngeri kana sollanna ammotere' mange ri pikkirang annabaya. Jari appasadiami se're umma' sadia anruppai kabattuanNa Batara.”

MARKUS 6:16

Nalangngere'na Herodes anjo kabaraka, nakanamo, “Mattantu Yohanes Paje'ne' anne, le'baka kusuro samballe pirangalloang. Kamma-kamma anne attallasa' poleammi ammotere'!”