MARKUS 5:5 - KITTA' MATANGKASA'

⁵ Allo bangngi tuli a'jappa siagang akkiok-kio' ri pa'jerakkanga siagang ri bulu'-buluka, na naloko'-lokoki kalenna ri batua.

MARKUS 5:5 Referans Kwoze

1 KARAENG-KARAENG 18:28

Pila' lompomi sa'ranna appala' doang anjo na'bi-na'bia. Siagang kamma biasaya nagaukang ke'nanga, nae'ba'-e'ba'mi kalenna ke'nanga siagang pa'dang yareka poke sa'genna ammatti'-matti'mo cera'na ke'nanga.

YOHANES 8:44

Ia manggenu iamintu Billisika, naia eroka nuturuki iamintu ero'na manggenu. Battu ri uru-urunaji napabuno memang anjo Billisika. Tena le'bakai mae ri katojenganga, lanri tena katojengang ri kalenna. Punna a'balle-balle, anjo biasa memanji ri ia, nasaba' kamma memanjinjo sipa'na. Iami paballe-balle, siagang iami nakabattui sikontu balle-ballea.

MARKUS 5:4

A'mole-molemi nisikko' rante bangkenna siagang limanna, mingka tuli natappuki anjo rantea, siagang anjo bassia ri bangkenna napolong todong. Sanna' sikali gassinna sa'genna tenanniakkamo tau akkulle anta'galaki.

MARKUS 5:6

Ri wattunna nacini' bella battu Isa, lari-larimi anruppai Isa nampa su'ju' ri dallekanNa.