MARKUS 5:43 - KITTA' MATANGKASA'

⁴³ Mingka Napisangkai dudumi Isa ke'nanga ampappiassengangi anjo kajarianga manna pole ri nai. Nampa Nakana Isa, “Sarei kanre anjo anaka.”

MARKUS 5:43 Referans Kwoze

MATIUS 8:4

Le'baki anjo Nakanamo pole Isa ri anjo taua, “U'rangi! Tea' laloko caritai anne kajarianga manna pole ri nai. Mingka a'lampamako mange ri imanga, na nusuro paressa kalennu ri ia. Le'baki anjo, a'lampamako mange assare koro'bang situru' napassuroanga Musa; iaminjo a'jari butti ri taua angkanaya ma'nassa baji' mako ri garrinnu!”

MARKUS 7:36

Nampa Napisangkai ngaseng Isa anjo taua ancaritai anjo kajarianga manna pole ri nai. Mingka pila' nipisangkai ri Isa, pila' napa'la'banji ke'nanga anjo kajarianga.

MARKUS 1:43

Nampa Nasuro Isa a'lampa anjo taua. Na Napasang angkana,

MATIUS 9:30

Apaji nakkullemo accini' ke'nanga. Napakainga' dudumi Isa ke'nanga, sollanna tena napaui ke'nanga anjo kajarianga manna pole ri nai.

YOHANES 5:41

Tena naKu'boya pappalece battu ri rupataua.

LUKAS 8:56

Lannasa' sikalimi tau toana anjo anaka. Mingka Napisangkaimi Isa ke'nanga ampaui anjo apa kajarianga manna pole ri nai.

LUKAS 5:14

Napisangkaimi Isa anjo taua ancaritai anjo passalaka, manna pole ri nai. Nakanamo ri anjo taua, “A'lampamako mae ri imanga nampa nusuro amparessai kalennu. Nampa a'lampako mange assare koro'bang situru' napassuroanga Musa. Iaminjo a'jari butti ri taua angkanaya ma'nassa baji' mako ri garrinnu.”

MARKUS 3:12

Mingka Napisangkai dudumi Isa anjo roh-roh ja'dalaka ampappiassengangi KalenNa mae ri taua.

MATIUS 17:9

Ri wattunna naung ke'nanga battu ri monconga, appasammi Isa ri ke'nanga Nakana, “Teako niakki ancaritai anjo kajariang nucinika sumpaeng manna ri nai, punna tenapa nipabangungi Ana' Ma'rupataua battu ri kamateanga.”

LAMPA-LAMPANA 10:41

Mingka tena nipappicinikang ngasengi mae ri sikontu taua, passangalinna ri kambeji bawang tu le'baka Napile la'bi riolo Allata'ala a'jari sa'bi-sa'binNa: Sipangnganreangi ikambe siagang Ia ri wattunna attallasa' poleammo battu ri kamateanga.

LUKAS 24:30

Ri wattunna ammempo sipangnganreang ke'nanga, angngallemi roti Isa. Appala' sukkuru'mi ri Allata'ala, naNapue-pue anjo rotia, nampa Napassareang mae ri ke'nanga.

MARKUS 5:42

Ambangummi nai' anjo ana' tuloloa, nampa a'jappa. (Sampulomi anrua taung umuru'na.) Takkajannang ngasemmi sikamma tau niaka anciniki anjo kajarianga!

MARKUS 9:9

Wattunna naung ke'nanga battu ri buluka, nipakainga'mi ke'nanga ri Isa angkana, “Teako pau-paui manna ri nai, anjo apa nucinika sumpaeng, punna tenapa nattallasa' poleang Ana' Ma'rupataua battu ri kamateanga.”