Biblia Todo Logo
Bib sou entènèt

- Piblisite -




MARKUS 5:34 - KITTA' MATANGKASA'

34 Nampa Nakanamo Isa ri anjo bainea, “O AnakKu, lanri tappa'nu ri Nakke, a'jari baji' mako! A'lampamako siagang salama'. Baji' sikali mako antu!”

Gade chapit la Kopi




MARKUS 5:34
19 Referans Kwoze  

Nakanamo Isa ri ia, “AnakKu, lanri tappa'nu ri Nakke, a'jari baji' mako. A'lampamako siagang salama'.”


Anjo wattua assailemi Isa, naNaciniki anjo bainea. Siagang Nakanamo ri anjo bainea, “Sa'barakko na'! Lanri tappa'nu ri Nakke, a'jari baji' mako ri garrinnu!” A'jari baji' memammi silalonna anjo bainea.


Jari Nakanamo Isa, “Punna kamma, accini' mako! Nipakabaji' mako lanri tappa'nu.”


Mingka Nakanamo pole Isa ri anjo bainea, “Nipasalama' mako lanri tappa'nu mae ri Nakke. A'lampamako siagang pakasannammi pa'mai'nu!”


Najamami jubaNa Isa, nammari memammo silalonna nilari cera'. A'jari baji'mi Nakasia'.


Ammempomi anjo tau pesoka ampilangngeri Paulus a'bicara. Nacini'mi Paulus angkana tappaki anjo tau pesoka, jari akkullei niballei. Najanjammi Paulus anjo taua,


Nampa Nakana Isa ri anjo taua, “Ambangungko nai' siagang ammotere' mako. A'jari baji' mako lanri tappa'nu mae ri Nakke.”


Nakanamo Isa, “A'lampamako, nipakabaji' mako ri tappa'nu.” Anjo wattua accini' memammi silalonna anjo tau butaya. Nampa a'lampa amminawang ri Isa.


Battuna mange anjoreng, nia'mo se're tau peso' nierang rate ri katinroanga mae ri Isa. Nacini'na Isa antekamma lompona tappa'na ke'nanga, Nakanamo ri anjo tau pesoka, “Sa'barakko na'! Nipammopporammi dosa-dosanu.”


Nakanamo Elisa, “A'lampamako siagang salama'.” Nampa a'lampamo Naaman. Tena nasallo a'lampanamo Naaman,


Nampa nakanamo Eli, “Punna kamma anjo ammotere' mako siagang salama'. Poro Naturukiangko Allata'alana Israel pappala'nu.”


Nampa nakanamo Yonatan ri Daud, “Tapporo Natulung laloko Allata'ala. LaNajamingi Batara angkanaya ikatte siagang turunganta tuli lanata'gala' jarreki parjanjianta sipa'rua ri dallekanNa Allata'ala.” Le'baki anjo a'lampami Daud, nampa a'lampa tommo Yonatan ammotere' mange ri kotaya.


Umba, ningnganremo siagang a'rannu-rannu, inungi anggoro'nu numatte'ne-te'ne pa'mai'. Tena Napappisangkangi Allata'ala, ba'lalo Nakellai.


Sanna' jaina tau Naballei na'jari baji'. Sa'genna sisorong-sorong ngaseng minjo tau garringa, massing ero' a'reppese' nakkulle nasero Isa.


Anjo bainea, naassennamo apa kajarianga ri kalenna, a'jari malla'mi siagang annekkere'mi. Su'ju'mi ri dallekanNa Isa na namangakui ngaseng apa nagaukanga.


Niaki siapa are sallona ammantang Yudas siagang Silas ri Antiokhia. Le'baki anjo nikellaimi ammotere' ke'nanga. Akkirimmi sallang sikamma tu tappaka ri Antiokhia mae ri sikamma tau assuroai ke'nanga battu. [


Napabattumi kapala tarungkua anjo kabaraka mae ri Paulus. Nakana, “O Tuang, nasuro lappassammaki' pamarenta battua ri Roma. Kamma-kamma anne akkulle maki' ammotere'. Salamakki' ri lampata!”


Apa matu-matunna punna nukana ri anjo taua, “Salamakko ammake pakeang kammu' siagang salamakko ri mangnganrenu!” – punna tena nusarei anjo apa naparalluia ri tallasa'na?


Mingka punna battu imanga na turu' pamaressana tenamo nammumba poleang jappoka baku' le'ba'na nipalestere' poleang, musti napaui angkanaya tangkasaki anjo ballaka, lanri anjo jappoka tappela' ngasemmi.


Swiv nou:

Piblisite


Piblisite