MARKUS 5:3 - KITTA' MATANGKASA'

³ Anjo taua nisosoki ri setang, siagang anjorengi ri pa'jerakkanga ammantang. Takkulleami nisikko', nasaba' manna rantea natappu' ngaseng.

MARKUS 5:3 Referans Kwoze

YESAYA 65:4

Punna bangngi a'lampai ke'nanga mange ri kali'bong-kali'bong batua siagang sikamma kuburuka untu' appala' tangara' mae roh-rohna alusuka. Angnganrei ke'nanga dageng bawi siagang angnginungi je'ne' dageng haranga.

LUKAS 8:29

Nakkana kamma anjo taua, lanri Nabongkai Isa assulu' anjo setanga battu ri kalenna anjo taua. A'mole-molemi nipantamakki ri anjo setanga, sa'genna manna nisikko' ngaseng rante limanna siagang bangkenna, siagang sanna' nijagaina, mingka tuli natappu'-tappu'ji anjo rantea, nampa nierang ri setanga mange ri parang lompoa.

MARKUS 5:2

Kamma Naunna Isa battu ri biseanga, nia'mo sitau bura'ne assulu' battu ri pa'jerakkanga, mae ri Ia.

MARKUS 5:4

A'mole-molemi nisikko' rante bangkenna siagang limanna, mingka tuli natappuki anjo rantea, siagang anjo bassia ri bangkenna napolong todong. Sanna' sikali gassinna sa'genna tenanniakkamo tau akkulle anta'galaki.