MARKUS 5:22 - KITTA' MATANGKASA'

²² Nia'mo sitau, niareng Yairus, battu mae ri Isa. Iami kapalana balla' sambayanga ri anjo kotaya. Battuna mae ri Isa, su'ju'mi ri dallekanNa.

MARKUS 5:22 Referans Kwoze

LUKAS 13:14

Larromi kapalana anjo balla' sambayanga, lanri Naballeina anjo bainea ri allo Pammari-marianga. Jari nakanamo ri taua ngaseng, “Nia' annangallo akkulle nipake untu' anjama; lalang allo-allo kammaya minjo nubattu punna erokko niballei, teako ri allo Pammari-marianga nubattu!”

LAMPA-LAMPANA 18:17

Jari a'gilimmi ke'nanga anjakkalaki Sostenes, iamintu kapalana anjo balla' sambayanga, nampa naba'ji ri dallekanna mejang pangadelanga. Mingka tena sikali najampangi Galio anjo apa nagaukanga ke'nanga.

LAMPA-LAMPANA 18:8

Mingka kapalana anjo balla' sambayanga, iamintu niarenga Krispus siagang sikontu tau niaka ri balla'na, a'jari tappa'mi ri Batara Isa. Siagang pole jai tommi tu Korintus maraenganga allangngereki anjo kabara' napabattua Paulus, na'jari tappa' mae ri Isa nampa nije'ne' ke'nanga.

LAMPA-LAMPANA 13:15

Ri wattunna le'ba' nibaca Kitta'na Musa siagang Kitta'na Na'bi-na'bia, nasuromi pamimping-pamimping balla' sambayanga akkuta'nang tau niaka hadere' mae ri Paulus siagang agang-aganna. Nakanamo pamimping balla' sambayanga mae ri Paulus siagang aganna, “Sikamma sari'battangku, punna nia' pappakainga' ero' nupabattuangi anne taua ngaseng, pabattuammi.”

LUKAS 5:8

Ri wattunna nacini' Simon anjo kajarianga, su'ju'mi ri dallekanNa Isa. Nampa nakana, “Bokoima' Batara! Nasaba' inakke anne tau doraka'!”

MARKUS 5:33

Anjo bainea, naassennamo apa kajarianga ri kalenna, a'jari malla'mi siagang annekkere'mi. Su'ju'mi ri dallekanNa Isa na namangakui ngaseng apa nagaukanga.

PAPPICINI' 22:8

Inakke, Yohanes, le'ba' ngasemmi kulangngere' siagang kucini' ngaseng sikammaya anjo. Le'ba'na kulangngere' siagang kucini', su'ju'ma' ri dallekanna anjo malaeka' ampicinikianga' sikammaya anjo, siagang ero'ma' anynyomba mae ri ia;

LUKAS 8:28

Nacini'na anjo taua angkana niaki battu Isa, ammarrang lompomi nampa su'ju' ri dallekanNa Isa. Ammarrammi nakana, “O Isa, Ana'Na Allata'ala Kaminang Tinggia! Apa ero' Kigaukang mae ri nakke? Kupalaki natena Kisessa'!”

MARKUS 5:38

Ri wattunna battu ke'nanga mange ri balla'na Yairus, Nacini'mi Isa taua gegere', siagang nia' tommo Nalangngere' tau appiraung siagang angngarru' lompo.

MATIUS 2:11

Antama'mi ke'nanga ri pammantanganna anjo Anaka. Nabuntulu'mi anjo Anaka siagang Maria amma'Na. Su'ju'mi ke'nanga anynyomba ri anjo Anaka. Nampa massing nasungke roko'-roko'na ke'nanga, namassing assare koro'bang, iamintu bulaeng, kamanynyang, siagang mur.