MARKUS 5:21 - KITTA' MATANGKASA'

²¹ Ammotere'mi pole Isa anta'leang ri ba'leanna anjo tamparanga. Anjoreng ri birinna tamparanga jaimi tau battu a'rappungang ri tammuliliNa Isa.

MARKUS 5:21 Referans Kwoze

MATIUS 9:1

Nai'mi Isa ri biseanga, nampa a'limbang anta'leang ammotere' mange ri kamponNa.

LUKAS 8:40

Ri wattunna battu Isa anta'leang ri ba'leanna tamparanga, battumi taua anruppai. Sanna' ngaseng rannuna ke'nanga anruppai Isa, nasaba' sitabang memangi nitayang ri ke'nanga.

MARKUS 4:1

Angngajara'mi pole Isa ri biring Tamparang Galilea. Sanna' jaina tau battu allipungi. Jari nai'mi ammempo ri se'reang biseang attompo' ri je'ne'. Na anjo tau jaia anjoreng ngasengi ri biring tamparanga ammenteng.

MARKUS 4:36

Jari antama'mi ana'-ana' gurunNa ri biseanga. Nia' memammi Isa antama' riolo ri biseanga. Nabokoimi anjo tau jaia ri biring tamparanga. A'lampami Isa siagang ana'-ana' gurunNa. Nia' todong biseang-biseang maraeng anjoreng.

MARKUS 5:2

Kamma Naunna Isa battu ri biseanga, nia'mo sitau bura'ne assulu' battu ri pa'jerakkanga, mae ri Ia.