MARKUS 5:19 - KITTA' MATANGKASA'

¹⁹ Mingka nipisangkai ri Isa. Nakanamo Isa ri ia, “Ammotere' mako, na nupauang ngaseng bija-bijannu apa le'baka Nagaukang Allata'ala ri kau, siagang antekamma baji'na Allata'ala mae ri kau!”

MARKUS 5:19 Referans Kwoze

PAMMUJI 66:16

Battu mako siagang pilangngerimi, he sikamma tau mappilangngeria, lakucaritai apa le'baka Nagaukang Allata'ala mae ri nakke.

YOHANES 4:29

“Umba mange anciniki tau akkullea ampauanga' sikontu apa le'baka kugaukang. Maka Iami kutadeng anjo taua Karaeng Mappasalamaka?”

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

LUKAS 8:39

Nakana Isa, “Ammotere' mako, na nukabarrang anjo apa le'baka Nagaukang Allata'ala ri kalennu.” Jari a'lampami anjo taua ampa'la'bangi anjo apa le'baka Nagaukang Isa ri kalenna sa'genna sepe'-sepe'na kotaya.

MARKUS 5:20

A'lampami anjo taua. Nappakkaramulamo nacarita lalang daera Sampuloa Kota, anjo apa le'baka Nagaukang Isa ri ia. Lannasa' ngasemmi taua allangngereki anjo kabaraka.

2 KARAENG-KARAENG 5:4

Nalangngere'na Naaman anjo passalaka, a'lampami mange ri karaenga nampa nacarita anjo apa le'baka napau anjo ana' bainea.