MARKUS 5:17 - KITTA' MATANGKASA'

¹⁷ Napala'mi panduduka anjoreng ri daeraya mae ri Isa, sollanna a'lampamo Isa ambokoi anjo daeraya.

MARKUS 5:17 Referans Kwoze

MATIUS 8:34

Jari a'lampa ngasemmi anjo tau niaka ri kotaya, mae ri Isa. Nabuntulu'namo ke'nanga Isa, napala' dudumi ke'nanga ri Isa sollanna a'lampamo ambokoi anjo daeraya.

MARKUS 1:24

“E, Isa tu Nazaret, apa ero' Nugaukang mae ri kambe? BattuKo ero' anghukkungi ikambe? Kuassengi angkanaya inaiKo antu: iKaumi Tunisuro matangkasaka, battua ri Allata'ala!”

LAMPA-LAMPANA 16:39

Jari a'lampami ke'nanga appala' popporo' ri Paulus siagang Silas. Nampa narurungang ke'nanga Paulus siagang Silas assulu' battu ri tarungkua, siagang napala'mi ke'nanga sollanna a'lampamo Paulus siagang Silas ambokoi anjo kotaya.

LUKAS 8:37

Napala' dudu ngasemmi tau ammantanga ri daera Gerasa, sollanna a'lampa Isa ambokoi anjo tampaka, lanri malla' duduna ngaseng ke'nanga. Jari nai'mi Isa ri biseanga, ero' ammotere'.

LUKAS 5:8

Ri wattunna nacini' Simon anjo kajarianga, su'ju'mi ri dallekanNa Isa. Nampa nakana, “Bokoima' Batara! Nasaba' inakke anne tau doraka'!”

MARKUS 5:7

Ammarrang lompomi nakana, “O Isa, Ana'Na Allata'ala Kaminang Tinggia! Apa ero' Nugaukang ri nakke? Nasaba' Allata'ala, kupalaki ri Katte, tea' laloKi' sessaia'!” (

PA'JARIANG 26:16

Nampa nakanamo Abimelekh ri Ishak, “A'lampako anrinni ri pa'rasanganna ikambe. La'bi koasangngang mako na ikambe.”

1 KARAENG-KARAENG 17:18

Nakanamo anjo jandaya ri Elia, “AtanNa Allata'ala, angngapa nakigaukang anne kammaya mae ri nakke? Apaka battuki' mae untu' a'jari saba' naNau'rangi Allata'ala dosaku, sa'genna musti mate anakku?”

PAOLE 5:25

Mingka angngapa namusti nasaung ija nyawana ikambe? Anjo pepe' sannaka heba'na lanaancuruki ikambe! Tappaki ikambe angkanaya tena tamatena ikambe punna nalangngereki ikambe a'bicara pole Karaeng Allata'ala.