MARKUS 5:15 - KITTA' MATANGKASA'

¹⁵ Mangemi ke'nanga ri Isa, nampa nacini'mo ke'nanga anjo tau le'baka nasoso' setang, ammempo anjoreng. Ammakemi care-care siagang baji'mi jappana pikkiranna. A'jari malla' ngasemmi ke'nanga.

MARKUS 5:15 Referans Kwoze

KOLOSE 1:13

Le'ba' maki' Nalappassang battu ri kakoasanna masassanga, nampa napalettekki' antama' ri pamarentahanNa Ana'Na Nakamaseanga.

2 TIMOTIUS 1:7

Nasaba' anjo Roh Napassareanga Allata'ala mae ri katte teai Roh ampa'jariki' ballorang. Mingka anjo RohNa Allata'ala Napa'jari majarrekki', sukkukki' lalang pangngamaseang siagang akkullei nipakalewa kalenta.

LUKAS 8:27

Ri wattunna naummo Isa ri bontoa, nia'mo sitau bura'ne napantamakki setang, battu anruppai. Anjo taua tau battu ri kotaya. Sallomi taccare-carea siagang tammantanga ri balla'. Anjoreng mami ri kali'bong pa'jerakkang batua ero' ammantang.

MARKUS 5:9

Nampa akkuta'nang Isa ri ia Nakana, “Inai arennu?” Appialimi anjo taua nakana, “ ‘Legiun’ arengku – nasaba' jai sikalia' sipa'rurungang!”

LUKAS 10:39

Anjo Marta nia' sari'battanna niarenga Maria. Na anjo Maria ammempomi ri ampi'Na Isa ampilangngeri kana-kana Napangngajarranga Isa.

1 SAMUEL 16:4

Nagaukammi Samuel situru' anjo Napaua Batara. Ri wattunna battu mange ri Betlehem, niruppaimi ri sikamma pamimpinga ri anjo kotaya. Nata'bangka ke'nanga siagang akkuta'nang angkana, “Maka kabara' kasalamakkang anne naerang kabattuanna bapa'?”

PAMMUJI 14:5

Tau ja'dalaka lasanna' malla'na, saba' Nala'langi Allata'ala tu mannurukia ri Ia.

AYUB 13:11

Apaka tena nata'bangka nyawanu ri kalompoanNa Allata'ala? Apaka tena napakamallaki nyawanu ri kahebakkanNa?

1 PATTOTTORANG 15:13

Ri wattu bungasa' nipalette'na anjo Pattia, tena ngasengko anjoreng untu' angngangkaki. Lanri kammana minjo naNahukkungki' Batara, Allata'alata, nasaba' anynyombaki' ri Ia tena nasituru' ero'Na.”

MARKUS 5:18

Ri wattunna antama'mo Isa ri biseanga, battu tommi anjo tau le'baka nasoso' setang. Napala'mi ri Isa sollanna nipa'biang amminawang.

MARKUS 5:16

Sikamma tau ancinikai kajarianga ri anjo taua siagang anjo kajarianga ri bawi-bawia, massing nacarita ngasemmi apa le'baka nacini' ke'nanga.

MARKUS 5:4

A'mole-molemi nisikko' rante bangkenna siagang limanna, mingka tuli natappuki anjo rantea, siagang anjo bassia ri bangkenna napolong todong. Sanna' sikali gassinna sa'genna tenanniakkamo tau akkulle anta'galaki.

MATIUS 12:29

Antekamma lakkulle antama' taua ri se'reang balla', angngalle passai barang-baranna punna tau gassing patanna balla'? Mattantu nasikkoki rolong anjo tau gassinga, patannaya balla'. Punna le'ba'mo nasikkokang anjo patannaya balla', nampami akkulle naalle passa barang-baranna.

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

MATIUS 9:33

Nabongkami Isa assulu' anjo setanga battu lalang ri kalenna anjo tau pepea; sa'genna akkulle memammo silalonna a'bicara anjo tau pepea. Lannasa' ngasemmi tau jaia anciniki anjo kajarianga. Nakanamo ke'nanga, “Tena le'bakapaki' accini' kajariang kammaya anjo lalang ri pa'rasangang Israel!”

1 PATTOTTORANG 13:12

Mingka malla' tongi Daud ri Allata'ala na nakana, “Kamma-kammanne antekammami lakkulle kuerang anjo Patti Parjanjianga?”

MATIUS 26:53

Maka tenapa nuassengi angkanaya punna erokKa', akkullei Kupala' ri ManggeKu sollanna Nasuro battu silalonna memang surudadu malaeka'Na, sampulo anrua sa'bu battu angngalleiA'?

MARKUS 5:14

Lari ngasemmi pakalawakinna anjo bawia, na napa'la'bang anjo kabaraka lalang ri kotaya siagang desa-desa niaka a'reppese' anjoreng. Jari assulu'mi taua mange anciniki anjo apa kajarianga.