MARKUS 4:40 - KITTA' MATANGKASA'

⁴⁰ Nampa Nakana Isa ri ana'-ana' gurunNa, “Angngapa numalla'? Angngapa natena nutappa' ri Nakke?”

MARKUS 4:40 Referans Kwoze

LUKAS 8:25

Nampa Nakanamo Isa mae ri ana'-ana' gurunNa, “Angngapa natena ngaseng nutappa' ri Nakke?” Lannasa'mi siagang malla'mi ana'-ana' gurunNa Isa. Na massing angkanamo para ia ke'nanga, “Inai sitojenna anne taua sa'genna manna anginga siagang bombanga Naparenta ngaseng, nanituruki parentaNa?”

MATIUS 8:26

Nakanamo Isa, “Angngapa numalla' kamma ngaseng? Kurang tappakko ri Nakke?” Nampa ammenteng Isa, naNaga'gara' anjo anginga siagang tamparanga. Sa'genna sannang sikalimo anjo tamparanga.

MATIUS 14:31

Linta'mi Isa anta'galaki limanna. Nampa Nakana, “O Petrus, anne ikau kurang tappakko. Apa saba'na nanubata-bata?”

MATIUS 16:8

Mingka Naassengi Isa anjo apa nabicaraya ke'nanga. Jari angkanami, “Angngapa napassala' tenana roti massing nubicara? Tena ngaseng najarre' tappa'nu!

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

MATIUS 6:30

Anjo ruku'-ruku' niaka ri paranga, attimboi anne alloa nammuko lanitunui sa'genna cappu'. Mingka manna nakamma, nipipakei tonji ri Allata'ala anjo ruku'-rukuka sa'genna ga'ga nicini'. Jari la'biangampa pole ikau! Tena tanipipakeinu! Mingka sayanna kakurang tappakko!

YESAYA 42:3

Bulo ta'dundua talanatepokai, kanjoli ca'dia rinrana talanabunoai. Majarreki lanapa'nyata katojenganga,

MARKUS 4:41

Sanna'mi malla'na ke'nanga. Na sipa'bicaramo massing para ia ke'nanga angkana, “Inai sitojenna anne taua? Kamanna anginga siagang bombanga amminawang turu' ngaseng ri kananNa.”