MARKUS 4:36 - KITTA' MATANGKASA'

³⁶ Jari antama'mi ana'-ana' gurunNa ri biseanga. Nia' memammi Isa antama' riolo ri biseanga. Nabokoimi anjo tau jaia ri biring tamparanga. A'lampami Isa siagang ana'-ana' gurunNa. Nia' todong biseang-biseang maraeng anjoreng.

MARKUS 4:36 Referans Kwoze

MARKUS 4:1

Angngajara'mi pole Isa ri biring Tamparang Galilea. Sanna' jaina tau battu allipungi. Jari nai'mi ammempo ri se'reang biseang attompo' ri je'ne'. Na anjo tau jaia anjoreng ngasengi ri biring tamparanga ammenteng.

MARKUS 3:9

Lanri sanna' jaina tau, Nasuromi ana'-ana' gurunNa Isa appasadia biseang, untu' KalenNa sollanna akkulle nai' anjoreng na tanisorong-soronga ri tau jaia.

MARKUS 5:2

Kamma Naunna Isa battu ri biseanga, nia'mo sitau bura'ne assulu' battu ri pa'jerakkanga, mae ri Ia.

MARKUS 5:21

Ammotere'mi pole Isa anta'leang ri ba'leanna anjo tamparanga. Anjoreng ri birinna tamparanga jaimi tau battu a'rappungang ri tammuliliNa Isa.

MATIUS 8:23

Naiki Isa ri biseanga, namminawang ngaseng todong ana'-ana' gurunNa.

MARKUS 4:37

Tena nasallo, battumi anging lompoa. Appakkaramulami nitunrung ri bombang lompo siagang napantamakkimi je'ne' biseanna ke'nanga, sa'genna a'birimmi rassi je'ne'.

MARKUS 6:32

Jari a'lampami ke'nanga a'dongko' biseang, mange ri tampa' sino-sinoa.

LUKAS 8:22

Ri se'reang allo nai'mi Isa siagang ana'-ana' gurunNa ri se'reang biseang. Nakana Isa ri ana'-ana' gurunNa, “Umba ki'lampa a'limbang anta'leang ri ba'leanna anne tamparanga.” Jari a'lampami ke'nanga.