MARKUS 4:32 - KITTA' MATANGKASA'

³² Mingka ri wattunna attimbomo, iami a'jari poko' kaminang lompo ri sikamma poko'-poko' lu'muka poko'na. Sanna' copponna tangke-tangkenna, sa'genna akkulle napa'ru'mungi siagang napa'la'langi jangang-jangang.”

MARKUS 4:32 Referans Kwoze

PAMMUJI 91:1

Sikamma tau a'la'langa mae ri Kaminang Tinggia, ammantanga lalang ri pa'la'langanNa Kaminang Koasaya,

PIRAUNG 4:20

Najakkalaki ke'nanga karaeng Napilea Batara, tau napattoanga ikambe untu' lassare katallassang, siagang akkullea anjagaiki' battu ri musua.

YESAYA 32:2

Yangasenna ke'nanga lamassing la'jari rapang tampa' pa'la'langngang battu ri anging siagang barubua. Rapangi ke'nanga binanga a'lo'loroka ri parang kassika, rapang pa'la'langang batu lompo ri butta kalotoroka.

YESAYA 11:9

Ri Sion, Bulu'Na Allata'ala Matangkasaka, tena tau ja'dala' yareka ammanraki. Rassi pa'rasanganga siagang pangngassengang ri Allata'ala, rapang je'ne' ampirassi tamparanga.

KELONG MALA'BIRI' 2:3

Rapang poko' appele' ri tangngana poko' kayu romang, kammami anjo tanringku ri alla'na tu bura'nea. Sannang nyawaku a'la'lang rawanganna, rappo-rapponna te'nei kasia'na.

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.

PAMMUJI 104:12

Appareki ru'mung jangang-janganga ri ampi'na; assa'ra-sa'ra ke'nanga ri alla'na leko'-leko' kayua.

YEHEZKIEL 17:23

Ri moncong kaminang tinggi ri Israel Kupatinting. Anjorengi laccu'la' siagang a'rappo nampa a'jari poko' camara sannaka porena. Sangka' rupa jangang-jangang la'ru'mung anjoreng siagang a'la'lang irawanganna.

MATIUS 13:32

Anjo lisere' lamunganga, iami lisere' lamungang kaminang ca'di ri linoa. Mingka punna attimbomo anjo lisere' lamunganga, iami a'jari poko' kaminang lompo ri sikamma lamung-lamungang niaka anjoreng. A'jarimi poko' lompo, sa'genna battumo jangang-janganga appare' ru'mung ri tangke-tangkenna.”

MARKUS 4:31

Punna ammarenta Allata'ala kammaminne pangngebaranna: Nia' silisere' parekang lamungang sannaka ca'dina lisere'na. Iaminjo lisere' rappo kayu kaminang ca'dia ri lino. Na nia'mo sitau angngallei anjo lisere' kaminang ca'dia, nampa nalamung.

MARKUS 4:33

Kammaminjo bateNa Isa angngajaraki taua. Jai pangngebarang Napake, sollanna akkulle napahang ke'nanga.