MARKUS 4:3 - KITTA' MATANGKASA'

³ “Pilangngeri! Nia' sitau pakoko a'lampa appakioro' bine.

MARKUS 4:3 Referans Kwoze

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

MATIUS 13:26

Ri wattunna appakkaramulamo attimbo anjo lamung-lamunga, siagang appakkaramulamo kacinikang rapponna, kacinikang tommi anjo ruku' reaya.

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

PAPPICINI' 2:29

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka!”

PAPPICINI' 2:11

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, tena sikali nalasessa apa-apa ri kamateang makaruaya.”

PAPPICINI' 2:7

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei rapponna poko' katallassanga, attimboa lalang ri KokonNa Allata'ala.”

LAMPA-LAMPANA 2:14

Ammentemmi Petrus siagang anjo sampuloa asse're tunisuro maraenganga, nampa a'bicara mae ri anjo tau jaia. Nalompoimi sa'ranna Petrus angkana, “Sikamma sari'battangku, tu Yahudia siagang sikamma tau niaka ammantang ri Yerusalem! Pilangngeri baji'-baji', nasaba' parallui nipakasingara' anne passalaka mae ri kau ngaseng.

MARKUS 4:23

Jari, punna nia'ja tolinnu, pilangngerimi!”

MARKUS 4:14

Anjo pakioroka, iamintu tau ampasiaraki Kabara' battua ri Allata'ala.

MARKUS 4:9

Le'baki Nacarita Isa anjo pangngebaranga, Nakanamo, “Nasaba' nia' ngaseng tolinnu, pilangngerimi!”

MATIUS 13:24

Napaccaritammi pole Isa se're pangngebarang maraeng anjo tau jaia. Nakana, “Punna ammarenta Allata'ala, pangngebaranna lakammaminne: Nia' sitau pamarri appakioro' bine ri tanana.

MATIUS 13:3

Nampa Naajara' Isa ke'nanga a'rupa-rupa pangngajarang, lalang se're pangngebarang. Nakana, “Nia' sitau pamarri appakioro' bine.

YESAYA 46:12

PilangngeriA', he sikamma tau tampoa, ikau angkapangai angkanaya bella iji pammetanga.

YESAYA 46:3

PilangngeriA', he turunganna Yakub, ikau ngaseng niaka tassesa ri ummakKu. Le'ba' mako Kuparakai baku' nilassukannu.

KATO'BA 11:6

Appakiorokko bine ri wattu bari'basa' siagang teako ammari ri wattu bangngina. Saba' taniassengai angkana bine kereanga baji' timbona. Nakulle todong baji' rua-ruai timbona.

PANGNGEBARANG 8:32

Lanri kammana anjo, pilangngeria', he tau rungkaya! Turuki pitunjukku, nulamate'ne.

PANGNGEBARANG 7:24

Lanri kammana anjo, ana'-anaka, pilangngeria'. Parhatikangi sikamma pappakaingakku.

PAMMUJI 45:10

Ri alla'na dayang-dayang balla' lompoa nia' ana'-ana' tulolonna karaeng. Ri sa'ri kanang empoang kala'biranga ammentengi bainenna karaeng ammake belo-belo bulaeng ti'no'.

PAMMUJI 34:11

Cipuru' tommi singa-singaya lanri kakurangang ri kanre; mingka tau anynyombaya ri Batara tena nakakurangang.

MARKUS 4:2

Jaimi apa-apa Naajarrangi Isa ke'nanga. Ammakei pangngebarang Naajara'na ke'nanga. Na kammaminne Naajarrangi ke'nanga.

MARKUS 4:4

Na ri wattunna napakioro', nia' bine tu'guru' ri aganga. Nampa battu jangang-janganga angkanrei sa'genna la'busu'.