MARKUS 4:27 - KITTA' MATANGKASA'

²⁷ Punna bangngi attinroi; na punna allo ambangungi. Na lalang kammana anjo attimbo minjo lamung-lamunna sa'genna lompo. Mingka tanaassengai antekamma batena attimbo sa'genna lompo anjo lamung-lamunga.

MARKUS 4:27 Referans Kwoze

KATO'BA 11:5

Allata'ala ampa'jari sikontu apa-apaya, na takkullea napahang rupataua anjo Nagaukanga; kammayatompa tanapahangngai katallassang beru a'jaria lalang ri pammanakkanna se'rea amma'.

2 TESALONIKA 1:3

Sikamma sari'battangku; tena tappu'na appala' sukkuru' ikambe mae ri Allata'ala lanri ikau ngaseng. Na memang, siratang memang tongi appala' sukkuru' ikambe, lanri pila' tappa' ngasengko mae ri Almasi, siagang pila' massing sikamaseangko.

KATO'BA 8:17

takkulleaki' ampahangi apa ero'Na Allata'ala. Manna antekamma bateta usaha, tena olona lakkulle nipahang. Tau cara'deka nakana kalenna napahangi, mingka sikontutojenna tanapahangngai.

2 PETRUS 3:18

Poro pila' nukasia' lalo passare lammoro'Na Batara, Karaeng Mappasalamatta iamintu Isa Almasi, siagang poro pila' tappa' laloko mae ri Ia. Poro Iami nipuji, ri kamma-kammaya anne sa'genna satunggu-tungguna! Aming. Sallangku, Petrus

MARKUS 4:26

Nasambummi pole bicaranNa Isa Nakana, “Punna ammarenta Allata'ala salaku Karaeng, lakammaminne pangngebaranna. Nia' se're tau a'lamung gandung ri kokonna.

MARKUS 4:28

Iaminjo buttaya napattimboi sa'genna appa'nia' wassele': uru-uruna tangkenna, nampa bulere'na sa'genna rapponna.