MARKUS 4:16 - KITTA' MATANGKASA'

¹⁶ Anjo bine tu'guruka ri batu-batua, iaminjo pangngebaranna tau lintaka antarimai siagang rannu nyawana nalangngere'na anjo kabaraka.

MARKUS 4:16 Referans Kwoze

LUKAS 8:13

Anjo bine takkioroka ri tampa' a'batu-batua, iaminjo pangngebaranna tau sannanga nyawana ri wattu nalangngere'na anjo kabaraka; mingka tena najarre' anna'gala' aka'na anjo kabaraka lalang ri atinna ke'nanga. Sinampe'ji tappa' ke'nanga; punna battumo paccobaya, ammono'bokomi ke'nanga.

MARKUS 6:20

Nasaba' le'ba'mi nasuro jagai baji'-baji' Herodes kasalamakkanna Yohanes lalang ri tarungkua, lanri mallaki ri Yohanes. Naassengi angkanaya tau baji' anjo Yohanes, nisuroa ri Allata'ala. Na memang, punna a'bicara Yohanes, nangai tonji Herodes allangngereki, manna mamo na'jari sanna' lussa'na nyawana napakamma.

YOHANES 5:35

Anjo Yohanes, sanrapangi lampu a'rinraya siagang tassioroka cayana. Untu' sinampekang, nungai antarimai anjo cayana.

LAMPA-LAMPANA 8:13

Manna Simon tappa' tommi. Na ri wattunna le'ba'mo nije'ne', amminawang tulimi ri Filipus. A'jari takkalanna'-lannasa'mi Simon napakamma anjo gau'-gau' appakalannasa' kajarianga.

LAMPA-LAMPANA 26:28

Nakanamo Agripa mae ri Paulus, “Nukana gampanga' lanupa'jari tu Karisteng silalonna?”

MATIUS 13:5

Nia' tommo bine takkioro' ri butta jaia batu-batunna, na kuranga buttana. Lanri kuranna buttana anjo tampaka, linta'mi attimbo anjo binea.

MARKUS 4:15

Anjo bine tu'guruka ri aganga, iaminjo pangngebaranna tau allangngerekai kabaraka ri passala'na antekamma batena ammarenta Allata'ala, mingka tanapahangai. Mingka kamma nalangngere'na ke'nanga battumi Billisika angngallei anjo apa le'baka nipakioro' lalang ri atinna ke'nanga.

MARKUS 4:17

Mingka tena nantama' aka'na anjo kabaraka ri atinna ke'nanga, sa'genna tena nasallo attahang. Kamma natujuna susa yareka kamma anggappana passessa ke'nanga passabakkang anjo kabaraka, ammono'boko memammi ke'nanga.