MARKUS 4:14 - KITTA' MATANGKASA'

¹⁴ Anjo pakioroka, iamintu tau ampasiaraki Kabara' battua ri Allata'ala.

MARKUS 4:14 Referans Kwoze

LAMPA-LAMPANA 8:4

Sikamma anjo tau tappa' tassiaraka, massing napabattumi anjo Kabara' Baji' battua ri Allata'ala ri kere-keremae.

MATIUS 13:19

Anjo bine takkioroka ri aganga, iaminjo a'jari pangngebarang mae ri tau allangngerekami ri passala' antekamma bateNa Allata'ala ammarenta, mingka tanapahangai anjo kabaraka. Battui kaja'dallanga angngalleangi anjo apa le'baka nipakioro' ri atinna ke'nanga.

LUKAS 8:11

Nakanamo pole Isa, “Iaminne battuanna anjo pangngebaranga: Anjo binea, iaminjo kana-kananNa Allata'ala.

MATIUS 13:37

Appialimi Isa Nakana, “Anjo tau appakioroka lamungang baji', iaminjo Ana' Ma'rupataua nataba.

MARKUS 4:3

“Pilangngeri! Nia' sitau pakoko a'lampa appakioro' bine.

MARKUS 2:2

Jaimi tau battu. A'lipummi ke'nanga anjoreng ri ballaka, sa'genna tenamo tampa' assabang. Manna ri pakke'buka rassi ngaseng tau. Napabattumi Isa biritta battua ri Allata'ala mae ri ke'nanga.

LUKAS 1:2

Sikamma apa le'baka nicarita mae ri katte, battu ri tau le'baka anciniki anjo kajarianga battu ri pakkaramulanna, yangaseng minjo natulisi' ke'nanga, nampa napa'la'bang kabara'na.

MATIUS 13:3

Nampa Naajara' Isa ke'nanga a'rupa-rupa pangngajarang, lalang se're pangngebarang. Nakana, “Nia' sitau pamarri appakioro' bine.

MARKUS 4:13

Nampa Nakana Isa ri ke'nanga, “Punna tena nuassengi battuanna anjo pangngebaranga, antekamma lakkulle nuasseng pangngebarang maraenga?

MARKUS 4:15

Anjo bine tu'guruka ri aganga, iaminjo pangngebaranna tau allangngerekai kabaraka ri passala'na antekamma batena ammarenta Allata'ala, mingka tanapahangai. Mingka kamma nalangngere'na ke'nanga battumi Billisika angngallei anjo apa le'baka nipakioro' lalang ri atinna ke'nanga.