MARKUS 3:5 - KITTA' MATANGKASA'

⁵ A'jari larromi Isa, na'la'bang Naciniki ngaseng tau niaka ri tammuliliNa. Mingka si'na tommi pa'mai'Na lanri kapala batuna ngaseng ke'nanga. Nampa Nakana ri anjo taua, “Pajonjoi limannu.” Napajonjomi limanna anjo taua, na'jari baji'mo.

MARKUS 3:5 Referans Kwoze

LUKAS 6:10

Naciniki ngasemmi Isa sikamma tau niaka hadere'. Nampa Nakana ri anjo tau mate sialia limanna, “Pajonjoi limannu.” Napajonjomi limanna anjo taua, na'jari baji'mo limanna.

EFESUS 4:18

Sassangi pikkiranna ke'nanga. Tanaassengai ke'nanga katallassang Napassareanga Allata'ala, nasaba' tena sikali apa-apa naasseng ke'nanga ri passala'na Allata'ala. Kammami anjo ke'nanga, lanri sanna' kapala batuna ke'nanga.

1 KARAENG-KARAENG 13:6

Nampa nakanamo Karaeng Yerobeam ri anjo na'bia, “Tulunga' nuppala' doang mae ri Karaeng Allata'alanu untu' inakke. Palaki pangngamaseanNa sollanna Napakabaji' limangku!” Appala' doammi anjo na'bia ri Batara, nampa baji'mo limanna karaenga.

ROMA 11:25

Sikamma sari'battangku! Kupalaki natena nanukana kalennu nuasseng ngasemmi apa-apaya. Nasaba' nia' apa Nakaeroki Allata'ala mingka tanaassengapi rupataua. Nakukellai sollanna nuasseng anjo; iamintu: Kapala batui sipa'gang tu Yahudia; mingka tenaja nalatuli kamma anjo sipa'-sipa'na ke'nanga. Punna ganna' bansa-bansa maraenga battu mae ri Allata'ala,

MATIUS 12:13

Le'baki anjo Nakanamo Isa ri anjo tau mate sialia limanna, “Pajonjoi limannu.” Napajonjomi limanna anjo taua; apaji na'jari baji'mo limanna anjo taua sangkamma limanna sialia.

PAPPICINI' 6:16

Akkio'mi ke'nanga mae ri buluka siagang batu-batua, angkana, “Tujumi naung ikambe! Cokkoi ikambe battu ri paccini'Na anjo ammempoa irate ri empoang kala'biranga, siagang battu ri pangngalarroiNa anjo Ana' Gimbalaka!

IBRANI 5:9

Jari ri le'ba'namo nipa'jari Tumappasalama', a'jarimi patteteang kasalamakkang mannannungang mae ri sikamma tau mannurukia ri Ia;

IBRANI 3:17

Siagang inaika Nakalarroi Allata'ala patampulo taung sallona? Sai iami anjo ke'nanga dorakaya siagang matea ri parang lompoa?

EFESUS 4:30

Teako pa'jari si'nai atinNa RohNa Allata'ala. Le'ba' mako nisare pammatei mattantu ri RohNa Allata'ala, ma'nassanu a'jarimo taunNa Allata'ala. Ia tommi anjo RohNa Allata'ala a'jari pammatei janji majarre' angkanaya labattui mae ri kau Allo Kalappassanga.

EFESUS 4:26

Punna larroko, teako pa'biangi anjo larroa a'jari passabakkang nudoraka. Teako larroi sikabusu' allo.

2 KORINTUS 3:14

Katongkokammi pikkiranna ke'nanga. Na sa'genna ri kamma-kammaya anne sanrapangi tuli natongko' iji bongong pikkiranna ke'nanga ri wattunna nabaca anjo kitta'-kitta' parjanjiang salloa. Iapa nakkulle tassungke anjo bongonga punna a'jari se're taua mae ri KalenNa Almasi.

YOHANES 9:7

na Nakana ri ia, “A'lampamako ambissai rupannu ri Balang Siloam.” (Siloam battuanna ‘Nisuro’.) Jari a'lampami anjo taua ambissai rupanna. Ri wattunna ammotere', akkullemi accini'.

LUKAS 17:14

Ri wattunna Nacini' Isa ke'nanga, Nakanamo ri ke'nanga, “A'lampamako mae ri imang-imanga, nampa nupala' nanaparessa ke'nanga batangkalennu.” A'lampami anjo sampuloa tau garring sala mae ri imang-imanga. Na lalang a'jappana ke'nanga mange anjoreng, ti'ring ammari ngasemmi garring sala appakamalla'-malla'na ke'nanga.

LUKAS 13:15

Appialimi Isa Nakana, “Munape' ngasengko antu! Ri allo Pammari-marianga nalappassang ngasengi taua sapina yareka jaranna battu ri barana, nampa naerang assulu' untu' nasare je'ne' inung.

PAMMUJI 95:10

Patampulo taungA' ero' ta'langnge anciniki ke'nanga; Kukana: Tamaka tamattantuna nyawana anjo bansaya! Tanajampangiai ke'nanga parenta-parentaKu.

NEHEMIA 13:8

Teai sipato' larroku, sa'genna kupasambila ngaseng assulu' barang-baranna Tobia.

HAKING-HAKING 10:16

Nampa napela' ngasemmo ke'nanga sikontu patung barhalaya, nanynyombamo ke'nanga ri Allata'ala. Natu'guru' pangngamaseammo Allata'ala anciniki ke'nanga lalang kasukkarang.

PA'JARIANG 6:6

Assesse'lalammi lanri Napa'jarina ke'nanga siagang Naboli'na ammantang ri lino. La'ba sikalimi nyawaNa,

IBRANI 3:10

Iaminjo saba'na naKularro siagang Kukana mae ri ke'nanga, ‘Tuli mamminra-minrana ke'nanga, siagang tuli teana anturuki parentaKu.’

MARKUS 3:4

Nampa akkuta'nang ri anjo tau niaka ngaseng anjoreng nakana, “Manuru' agamaya, kereanga akkulle nigaukang ri allo Pammari-marianga? A'gau' baji' yareka a'gau' ja'dalaka? Appasalamaka tau yareka ammunoa tau?” Tenamo na nia' ri ke'nanga akkana.

1 SAMUEL 20:34

Larro sikalimi Yonatan, nampa a'lampamo ambokoi mejang parjamuanga, siagang tena apa-apa nakanre ri passua'-suarrang makaruana anjo Bulang Berua. Sanna' sikalimi attojeng-tojenna ampikkiriki Daud le'baka nihina ri Saul manggena.