MARKUS 3:35 - KITTA' MATANGKASA'

³⁵ Inai-nai anggaukangi ero'Na Allata'ala, iami sari'battangKu bura'ne, sari'battangKu baine, kammayatompa iami ammakKu.”

MARKUS 3:35 Referans Kwoze

1 YOHANES 2:17

Anne linoa siagang sikontu apa-apa niaka lalanganna, ia nakaerokia rupataua, kamma-kamma anne lanynya'mi. Mingka inai mappilangngeri ri ero'Na Allata'ala, tuli lattallasaki sa'genna satunggu-tungguna.

MATIUS 7:21

“Tayangasenga tau akkioka ri Nakke angkana, ‘O, Batara, o, Batara,’ la'jari umma'Na Allata'ala; mingka iaji bawang tau anggaukangai ero'Na ManggeKu ri suruga.

YOHANES 7:17

Inai-nai ero' anturuki ero'Na Allata'ala, lanaassengi angkanaya pangngajarang battu kemae anjo Kupangngajaranga. Apaka pangngajarang battu ri Allata'ala yareka pangngajarang battu ri KalengKu.

YAKOBUS 1:25

Anjo hukkunNa Allata'ala sukkuki siagang makoasai untu' ampakabebasaki rupataua. Na inai-nai ansalidiki siagang amparhatikang baji'-bajiki kammayatompa anggaukangi anjo hukkung-hukkunga, jari tena na nalangngere'ja bawang nampa nakuluppai, iami lanibarakkaki ri Allata'ala lalang sikontu apa-apa nagaukanga.

EFESUS 6:6

Teako angkanaya nijagaipako nampa nugaukang anjo kammaya, lanri ero'nuji nipalece ri rupataua. Mingka parallui nugaukang sangkamma atanNa Almasi, mannurukia ri ero'Na Allata'ala sikalepu pa'mai'.

IBRANI 10:36

Paralluko sa'bara', sollanna akkulle nugaukang ero'Na Allata'ala. Na lanri kammana lanutarimai apa Napa'janjianga Allata'ala.

1 PETRUS 4:2

Lanri kammana, paralluko anturuki ero'Na Allata'ala lalang tallasa' lanudallekanga pole, ri anne linoa siagang teai kaerokang rupatau nuturuki.