MARKUS 3:21 - KITTA' MATANGKASA'

²¹ Nakanamo tau jaia, “Pongoro'mi anne taua!” Nalangngere'na bijanNa Isa anjo kajarianga, a'lampami ke'nanga angngallei Isa.

MARKUS 3:21 Referans Kwoze

LAMPA-LAMPANA 26:24

Lalang a'bicara kammana Paulus ampakasingaraki kalenna, ammarrammi Festus nakana, “Pongoro' mako antu Paulus! Napa'jari pongoro' mako anjo pangngassengannu jai dudua!”

YOHANES 10:20

Jai ke'nanga angkana, “Nasosoki setang anne taua. Pongoroki! Apa matu-matunna nupilangngeri ngaseng?”

MARKUS 3:31

Le'baki anjo battumi amma'Na siagang sari'battanNa ngaseng Isa. Attayammi ke'nanga pantara', nampa nasuro kio' Isa.

2 KORINTUS 5:13

Punna sanrapammo nucini' tau pongoroka ikambe, anjo lanri kaparalluang lamae ri Allata'ala. Na punna baji' nucini' jappana pikkiranna ikambe, anjo lanri kaparalluannu ngaseng.

2 KARAENG-KARAENG 9:11

Ammotere'mi Yehu mange ri agang-aganna. Nampa akkuta'nammo ke'nanga ri ia angkana, “Kabara' apa kutadeng? Apa ero'na anjo tau pongoroka mae ri kalennu?” Appialimi Yehu angkana, “Assara-sarai ngasengko antu, nasaba' nuasseng ngasemmi.”

HOSEA 9:7

Narapi'mi wattu panghukkunganga, wattu annarimaya pa'balasa' mae ri sikontu panggaukanga. Lanakasia'mi Israel! Nukana ngaseng, “Anne na'bi nikoasaia ri roh toloi! Pongoroki!” Nukkana kamma anjo lanri birisi' duduko mae ri Nakke siagang lompo duduna dosanu.

YEREMIA 29:26

“Le'ba' mako Naangka' Batara a'jari imang ansambeangi Yoyada, siagang kamma-kamma anne ikaumi kaminang tinggia empoannu ri Balla'Na Batara. Ia tugasa'nu iamintu amparentakangi sollanna sikamma tau pongoroka, nakanaya kalenna na'bi, nisikkoki rante bassi kallonna.