MARKUS 3:17 - KITTA' MATANGKASA'

¹⁷ Yakobus siagang Yohanes sari'battanna, iamintu ana'-ana'na Zebedeus (anne ke'nanga nigallaraki Boanerges battuanna “ana' gunturu'”),

MARKUS 3:17 Referans Kwoze

IBRANI 4:12

Anjo kananNa Allata'ala, iami kana-kana assarea katallassang siagang kagassingang; la'bi tarangi na pa'dang tarang pimbalia. Anjo kana-kanaya anno'doki sa'genna antama' ri atia siagang nyawaya; narapiki pa'leso-lesoanga siagang buku-bukua, sa'genna naasseng ngaseng pikkiranna siagang nawa-nawanna rupataua.

MARKUS 14:33

Nampa Nakio' Petrus, Yakobus siagang Yohanes a'lampa siagang KalenNa. Appakkaramulami si'na siagang lussa' pa'mai'Na.

MARKUS 5:37

A'jappa tulusuki Isa, mingka tena Napa'biangi taua amminawang, pantaranganna Petrus siagang Yakobus na Yohanes sari'battanna.

YEREMIA 23:29

KanangKu rapangi pepe', siagang rapangi palu-palu angngancuruka batu!

LAMPA-LAMPANA 12:1

Iatommi anjo wattua nappakkaramulamo Karaeng Herodes anjallakkangi anggota-anggota jama'aka.

YOHANES 21:2

Nia' se're allo na'rappungang Simon Petrus, Tomas nigallaraka i Kambara', Natanael battua ri Kana ri Galilea, ana'-ana'na Zebedeus, siagang rua ana' gurunNa Isa maraenganga.

MARKUS 10:35

Battumi ana'-ana'na Zebedeus mae ri Isa, iamintu Yakobus siagang Yohanes. Nakana ke'nanga, “O Bapa' Guru, nia' ero' napala' ikambe ri Katte, naporo' akkulle laloja Kigaukang untu' ikambe.”

MARKUS 9:2

Annangallo le'ba'na anjo Naerammi Isa iamintu Petrus siagang Yakobus na sari'battanna Yohanes, mange tassa'la' ri se'reang bulu' tinggi. Amminrami tanja'Na Isa ri dallekanna ke'nanga.

YESAYA 58:1

Nakana Batara, “Gassingi ammarrang! Pauangi sikamma dosana ummakKu.

PAPPICINI' 10:11

Nampa nisuroma' angkana, “Pa'la'bangi sikalipa pole biritta battua ri Allata'ala ri passala'na bansa-bansaya, sikamma pa'rasanganga, bahasa-bahasaya, kammayatompa sikamma karak-karaenga.”

MATIUS 4:21

A'jappana pole Isa, nia'mo pole Nacini' tau rua assari'battang, iamintu niarenga Yakobus siagang Yohanes, niarenga Zebedeus manggena. Sitabangi ke'nanga nia' rate ri biseanna appakabaji' jala siagang manggena ke'nanga. Nikio' tommi ke'nanga ri Isa,

MARKUS 3:16

Iaminne areng-arenna anjo sampuloa anrua tau: Simon (nigallaraka todong Petrus),

MARKUS 3:18

Andreas, Filipus, Bartolomeus, Matius, Tomas, Yakobus ana'na Alfeus, Tadeus, Simon nigallaraka Patriot,

LUKAS 9:54

Anjo passalaka naassemmi ana'-ana' gurunNa Isa, iamintu Yakobus siagang Yohanes. Jari nakanamo ke'nanga ri Isa, “O Batara, maka erokKi' nanipala' pepeka naung battu ri langika anghukkung ngasengi anne taua?”