MARKUS 3:11 - KITTA' MATANGKASA'

¹¹ Na sikamma tau nisosoka ri roh ja'dala', punna nacini'mi Isa, su'ju'mi ri dallekanNa siagang ammarrang nakana, “IKaumi Ana'Na Allata'ala.”

MARKUS 3:11 Referans Kwoze

LUKAS 4:41

Nabongka ngaseng tommi setanga battu ri kalenna taua, nasosoka setang. Na punna assulu' anjo setanga battu ri kalenna taua, ammarrang-marrammi angkana, “IKaumi Ana'Na Allata'ala!” Mingka Naga'gara'mi Isa anjo setang-setanga. Napisangkai appau ke'nanga, lanri naassengi ke'nanga angkana, Iami Karaeng Mappasalamaka.

LUKAS 8:28

Nacini'na anjo taua angkana niaki battu Isa, ammarrang lompomi nampa su'ju' ri dallekanNa Isa. Ammarrammi nakana, “O Isa, Ana'Na Allata'ala Kaminang Tinggia! Apa ero' Kigaukang mae ri nakke? Kupalaki natena Kisessa'!”

YAKOBUS 2:19

Sai tappakko angkanaya anjo Allata'ala se'reji bawang? Kammatojengi! Kamanna setanga tappa' tonji siagang annekkere'mi napakamma malla'!

MATIUS 8:29

Battu lalangi ke'nanga assulu' ri pa'jerakkanga akkiok-kio' angkana, “E Ana'Na Allata'ala! Apa ero' battu nugaukang ri kambe? Ero' mako battu ansessai kambe, manna tanarapikapa wattunna?”

MATIUS 4:3

Battumi billisika na nakana, “Sai Ana'Nako Allata'ala? Punna kamma, suromi anjo batu-batua a'jari roti.”

LAMPA-LAMPANA 16:17

Tuli amminawammi anjo bainea ri Paulus siagang ri kambe. Akkio'-kioki anjo bainea angkana, “Anne taua suro-suroNa Allata'ala Kaminang Lompoa! Battui ke'nanga ero' ampauang ngasengko antekamma batena nukkulle salama'!”

MATIUS 8:31

Napala' dudumi anjo setang-setanga ri Isa angkana, “Punna lanusuroki' assulu' battu lalang ri kalenna anne taua, suromi kambe antama' anjoreng ri bawi-bawia.”

MATIUS 4:6

Nampa nakana billisika ri ia, “Sai Ana'NaKo Allata'ala? Punna kamma, a'lumpa' maKo naung; nasaba' nia' tattulisi' lalang ri Kittaka angkanaya, ‘LaNasuroi malaeka'-malaeka'Na Allata'ala anjagaiKo, LaNaruppaiKo lalang limanna ke'nanga, Sollanna manna bangkenNu tena todong nata'runtu' ri batua.’ ”

MATIUS 14:33

Su'ju' ngasemmi ana'-ana' gurunNa Isa anynyomba ri Ia. Angkanami ke'nanga, “Ma'nassa tojeng, iKattemi Batara Ana'Na Allata'ala!”

MARKUS 1:1

Iaminne Kabara' Baji' ri passala'na Isa Almasi, Ana'Na Allata'ala.

1 KORINTUS 11:34

Punna nia' tau cipuru', parallui angnganre rolong ri balla'na. Punna nuparhatikang anne kammaya anjo pa'rappungang sambayannu, tenamo nalappabattu hukkungang mae ri kalennu. Ia passala' maraenganga, battupa' sallang nampa kupakasingariangko!