MARKUS 2:8 - KITTA' MATANGKASA'

⁸ Anjo wattua Naasseng memammi Isa pikkiranna ke'nanga. Jari Nakanamo, “Angngapa nukkuta'nang kamma ngaseng lalang ri pa'mai'nu?

MARKUS 2:8 Referans Kwoze

LAMPA-LAMPANA 8:22

Lanri kammana, bokoimi anjo pikkirang ja'dala'nu, nampa nupala' ri Batara sollanna Napammopporangi anjo pikkirang ja'dala'nu.

LAMPA-LAMPANA 5:3

Nakanamo Petrus, “Ananias, angngapa nanupassareang atinnu nakoasai Billisika, sa'gennu a'balle-balle ri RohNa Allata'ala? Iamintu nuboli' cokko-cokkoi untu' kalennu tawaruanna doe' ballinna anjo tanaya?

YOHANES 6:64

Mingka nia' todong tau ri alla'nu tena natappa'.” (Naasseng memammi Isa battu ri pakkaramulanna angkana inai-nai taeroka tappa', siagang inai langngalle-bokoi.)

LUKAS 24:38

Mingka Nakanamo Isa, “Angngapa numalla' ngaseng? Angngapa nabata-bata lalang nyawanu?

LUKAS 6:8

Mingka Naassengi Isa pikkirang salana ke'nanga. Jari Nakanamo ri anjo tau mate sialia limanna, “Maeko anrinni ammenteng ri dallekang!” Ammentemmi anjo taua, nampa mange ri dallekang.

LUKAS 5:22

Naassengi Isa anjo apa napakkuta'nanganga ke'nanga. Jari Nakanamo, “Angngapa nukkuta'nang kamma ngaseng lalang ri nyawanu?

MATIUS 9:4

Na anjo nawa-nawanna ke'nanga Naassengi Isa. Jari Nakanamo Isa ri ke'nanga, “Angngapa naja'dala' kamma batenu ngaseng appikkiri'?

YEHEZKIEL 38:10

Nakana Batara Kaminang Tinggia ri Gog, “Anjo wattua lapparekko rancana ja'dala'.

PAMMUJI 139:2

IKatte angngassengi sikontu panggaukangku; battu bellaKi' naKipahang pikkirangku.

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

MARKUS 7:21

Nasaba' battu lalammi, iamintu battu lalang ri nyawana, ammumba ngaseng pikkirang-pikkirang kodia nakkulle taua a'gau' sala, a'lukka', ammuno,

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

PANGNGEBARANG 24:9

Tunggala' akkala'na tau toloa iamintu dosa. Tau tuli accallaya ri paranna tau, tena ningai ri yangasenna taua.

PANGNGEBARANG 15:26

Birisiki Batara ri rancana ja'dalaka; mingka kana-kana bajika napakasannangi pa'mai'Na.

1 PATTOTTORANG 29:17

Kuassengi angkanaya Kiso'ri massing-massing atinna taua, siagang Kingai tau tangkasaka atinna. Lalang ati matulusu' siagang sannang nakupassareang yangasenna anne mae ri Katte. Kusa'bimi antekamma batena a'rappungang ummatTa anrinni angngerang passare mae ri Katte situlusu' atinna.

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

MATIUS 12:15

Naassengi Isa angkanaya niakkali ero' nibuno ri anjo tu Farisia. Jari a'lampami ambokoi anjo tampaka. Jaimi tau ampinawangi. Naballei ngasemmi sa'genna a'jari baji' sikontu tau garringa.

MATIUS 16:7

Nalangngere'na ke'nanga akkana kamma Isa, angkanami ke'nanga para ia todong, “Nakkana kamma anjo nasaba' nikaluppai angngerang roti.”

MARKUS 2:7

“Baranina anne taua akkana kamma! Nahinai Allata'ala. Inai akkulle ampammopporangi dosaya, pantaranganna Allata'ala bawang?”

MARKUS 2:9

Maka kereanga gampangangang: angkanaya, ‘Nipammopporammi dosanu’ yareka angkanaya, ‘Ambangungko nai', angkaki tappere'nu, nu'jappa’?