MARKUS 2:5 - KITTA' MATANGKASA'

⁵ Nacini'na Isa antekamma lompona tappa'na ke'nanga, Nakanamo ri anjo tau pesoka, “O anakKu, nipammopporammi dosa-dosanu.”

MARKUS 2:5 Referans Kwoze

MATIUS 9:2

Battuna mange anjoreng, nia'mo se're tau peso' nierang rate ri katinroanga mae ri Isa. Nacini'na Isa antekamma lompona tappa'na ke'nanga, Nakanamo ri anjo tau pesoka, “Sa'barakko na'! Nipammopporammi dosa-dosanu.”

YAKOBUS 5:15

Inai-nai appala' doang siagang tappa' tojeng-tojeng mae ri Batara, lanipamollei battu ri garrinna. Lanipamollei garrinna ri Batara, siagang lanipammopporangi dosa-dosana le'baka nagaukang.

MATIUS 9:22

Anjo wattua assailemi Isa, naNaciniki anjo bainea. Siagang Nakanamo ri anjo bainea, “Sa'barakko na'! Lanri tappa'nu ri Nakke, a'jari baji' mako ri garrinnu!” A'jari baji' memammi silalonna anjo bainea.

EFESUS 2:8

Nakarimangngiko Allata'ala. Iaminjo Nanapasalamakko, lanri tappa'nu mae ri Isa. Anjo kasalamakkannu, teai wassele' usaha kalennu. Mingka passare malammoro'Na Allata'ala. Jari, tena manna sitau akkulle ampattampo-tampoangi kalenna ri anjo passalaka.

LAMPA-LAMPANA 5:31

Siagang nisaremi ri Allata'ala empoang siagang kakoasang matinggi, a'jari Pamimping siagang Mappasalamaka; sollanna nisare kasampatang bansa Israel untu' a'jari toba' battu ri dosa-dosana na nipammopporang.

YOHANES 5:14

Ribokoanganna, sibuntulu'mi Isa siagang anjo taua lalang ri Balla'Na Batara. Nakanamo Isa ri ia, “Kamma-kamma anne baji' mako. Tea' mako a'gau' dosai pole, sollanna tena nanukasiaki pole la'bi kodianganga.”

LUKAS 5:20

Ri wattunna Nacini' Isa antekamma tappa'na ke'nanga, Nakanamo ri anjo tau pesoka, “Sari'battang, nipammopporammi dosanu.”

KOLOSE 3:13

Musti sa'barakko mae ri parannu tau, siagang massing sipammopporangko punna sipammolikangko larro mae ri parannu tau. Nangaiko Napammopporang Batara; jari musti ero' tongko massing sipammopporang.

2 KORINTUS 2:10

Punna nupammopporang tau le'baka kasalang mae ri kau, inakke pole kupammopporang tongi anjo taua. Nasaba' apa le'baka kupammopporang – punna nia' memang todong parallu nipammopporang – kupammopporangi ri dallekanNa Almasi, untu' kabajikannu ngaseng.

1 KORINTUS 11:30

Iaminjo saba'na nujaimo a'jari garring siagang lamma, ba'lalo nia' todong mate.

LAMPA-LAMPANA 14:9

Ammempomi anjo tau pesoka ampilangngeri Paulus a'bicara. Nacini'mi Paulus angkana tappaki anjo tau pesoka, jari akkullei niballei. Najanjammi Paulus anjo taua,

LAMPA-LAMPANA 11:23

Na ri wattunna battu Barnabas mange anjoreng, nacini'mi antekamma bateNa Allata'ala ambarakkaki ngasengi anjo taua. Sanna'mi rannuna Barnabas. Na napakainga'mo ke'nanga sollanna jarre' tojeng-tojeng tappa'na ke'nanga ri Batara.

YOHANES 2:25

Tena naparallu nipauang ri passala'na massing rupataua, lanri Naassenna ngaseng apa niaka lalang ri atinna rupataua.

LUKAS 8:48

Nakanamo Isa ri ia, “AnakKu, lanri tappa'nu ri Nakke, a'jari baji' mako. A'lampamako siagang salama'.”

MARKUS 5:34

Nampa Nakanamo Isa ri anjo bainea, “O AnakKu, lanri tappa'nu ri Nakke, a'jari baji' mako! A'lampamako siagang salama'. Baji' sikali mako antu!”

YESAYA 53:11

Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

YESAYA 38:17

Pacceku tappinrai a'jari kasannangang, iKatte ampasalamaka' battu ri bahayaya; Kipammopporangi sikamma dosa-dosaku.

PAMMUJI 103:3

Iami ampamopporangi sikontu dosanu, ampamollei sikontu garrinnu,

PA'JARIANG 22:12

Nakanamo Batara tete ri anjo malaekaka, “Teako pa'risi antu anaka yareka teako apa-apai. Kamma-kamma anne Kuassemmi angkanaya nupakalompoA' siagang mannurukiko ri Nakke, nasaba' tena nanutollaki untu' ampassareangi ana' sitau-taunu mae ri Nakke.”

MATIUS 9:5

Kereanga la'bi gampang: angkanaya ‘Nipammopporammi dosanu’, yareka angkanaya ‘Ambangungko nai' nu'jappa’?

MARKUS 2:6

Nia' siapa are guru agama ammempo anjoreng. Nakanamo lalang ri pa'mai'na ke'nanga.