MARKUS 2:25 - KITTA' MATANGKASA'

^25-26 Appialimi Isa Nakana, “Tale'bakapi nubaca apa nagaukanga Daud ri wattunna Abyatar a'jari imang lompo? Anjo wattua cipuruki Daud siagang ana'-ana'na. Na tenamo kanrena ke'nanga. Jari antama'mi ke'nanga ri Balla'Na Batara, nampa nakanre roti le'baka nipakkoro'bangngang mae ri Allata'ala. Napassareang tommi anjo rotia mange ri ana'-ana'na. Na situru' atoranga ri agamata, imang-imangaji bawang akkulle angkanrei anjo rotia.”

MARKUS 2:25 Referans Kwoze

LUKAS 10:26

Appialimi Isa Nakana, “Apa tattulisi' lalang ri Kittaka? Antekamma panggappanu ri anjo passalaka?”

MARKUS 12:26

Na passala' attallasa' poleanna tau matea, tena le'bakapi nubaca lalang ri Kitta' Musa passala'na anjo rompo' a'rinraya? Lalang anjo ri Kittaka nia' tattulisi' angkanaya le'baki angkana Allata'ala ri Musa Nakana, ‘INakkemi Allata'alana Abraham, Allata'alana Ishak, siagang Allata'alana Yakub.’

MARKUS 12:20

Le'baki nia' tuju bura'ne assari'battang. A'buntimmi anjo bungasaka, mingka matei, natena ana'na.

MATIUS 22:31

Apa tale'bakapi nubaca lalang ri Kittaka apa le'baka Napau Allata'ala ri passala'na tau mate nipattallasa' poleanga? Nakana Allata'ala,

MATIUS 21:42

Jari Nakanamo Isa ri ke'nanga, “Tale'bakapi nubaca niaka tattulisi' lalang ri Kittaka angkanaya, ‘Batu tenaya napakei tukanga a'jarimi batu panjarreki. Iaminne Napareka Allata'ala; natamaka ga'gana!’ ”

MATIUS 21:16

Nakanamo ke'nanga mae ri Isa, “Nulangngere'ji anjo napaua ke'nanga?” Appialimi Isa Nakana, “Iyo, Kulangngere'ji. Tena le'bakapi nubaca apa niaka tattulisi' lalang ri Kittaka angkanaya, ‘Le'ba'mi nuajara' ana'-anaka siagang ana' loloa ampaui kana-kana pammujia’?”

MATIUS 19:4

Appialimi Isa Nakana, “Maka tena ngasempa nubacai lalang ri Kittaka angkanaya ri uru nipare'na rupataua ri Allata'ala, Napareki bura'nea siagang bainea?

MATIUS 4:2

Patampulo allo patampulo bangngi tamangnganrea Isa, sa'genna cipuru'mi.

MARKUS 2:24

Nakanamo tu Farisia ri Isa, “Angngapai anjo ana'-ana' gurunNu na nadakkai atoranga ri agamata, kanagaukangi apa nipappisangkanga nigaukang ri allo Pammari-marianga?”