MARKUS 2:12 - KITTA' MATANGKASA'

¹² Ambangummi nai' anjo taua, na naalle memang tappere'na, nampa a'lampa assulu' niciniki ri tau jaia. Sanna' ngaseng lannasa'na anjo tau jaia. Ammuji-mujimi ke'nanga ri Allata'ala. Nakanamo ke'nanga, “Tena le'bakkapaki' accini' kajariang kammaya anne!”

MARKUS 2:12 Referans Kwoze

MATIUS 9:33

Nabongkami Isa assulu' anjo setanga battu lalang ri kalenna anjo tau pepea; sa'genna akkulle memammo silalonna a'bicara anjo tau pepea. Lannasa' ngasemmi tau jaia anciniki anjo kajarianga. Nakanamo ke'nanga, “Tena le'bakapaki' accini' kajariang kammaya anjo lalang ri pa'rasangang Israel!”

MATIUS 9:8

Ri wattunna nacini'mo tau jaia anjo apa kajarianga, malla' ngasemmi ke'nanga; nammuji-mujimo ke'nanga ri Allata'ala, lanri Napa'nyatanamo Allata'ala koasa kammaya lompona mae ri tu linoa.

LUKAS 7:16

Malla' ngasemmi taua, na mammuji-muji ri Allata'ala. Nakanamo ke'nanga, “Ammumbami na'bi lompoa ri tangnga-tangngata! Nia'mi battu Allata'ala ampasalamaki umma'Na!”

LAMPA-LAMPANA 4:21

Takkulleami anggappa alasang manna sirupa anjo anggota-anggota sidanga ri pangadelanga, untu' anghukkungi Petrus siagang Yohanes. Jari nagaratta'mi ke'nanga anjo tau ruaya, nampa nalappassang, nasaba' ammuji-muji ri Allata'ala tau jaia passabakkang anjo kajarianga.

YOHANES 9:32

Baku' nia'na linoa tenale'bakapi nilangngere' angkana nia' tau amballei tau butaya ri pakkaramula lassu'na sa'genna akkulle accini'.

YOHANES 7:31

Jaimi ri alla'na anjo taua a'jari tappa' ri Isa; nakanamo anne ke'nanga, “jari punna niaki battu anjo Karaeng Mappasalamaka, maka lajaiangangi gau' appakalannasa' Nagaukang naanne taua?”

LUKAS 17:15

Ri wattunna naasseng kalenna angkana baji'mi, nia'mo kalase'renna ke'nanga ammotere' a'rannu-rannu mammuji ri Allata'ala.

LUKAS 13:13

Nampa Napadongko' limanNa Isa irateanganna anjo bainea; na anjo wattua akkullemi ammenteng silalonna anjo bainea, nampa ammuji-muji ri Allata'ala.

LUKAS 5:26

Sanna' ngasemmi lannasa'na ke'nanga, nammuji-mujimo ri Allata'ala. Na lalang malla'na, nakanamo ke'nanga, “Teai sipato' appakalannasa'na kajariang nicinika anne alloa!”

MARKUS 1:27

Sikontu taua lannasa' sikalimi anciniki anjo passalaka. Sa'genna massing nakanamo para ia ke'nanga, “Idende' apami kutadeng anne? Iaminne pangngajarang beru! Lanri kakoasanNa siagang kala'biranNa na Nasuro roh-roh ja'dalaka assulu', siagang amminawang turu' anjo roh-roh ja'dalaka mae ri Ia!”

MATIUS 15:31

Lannasa' sikali sikontu tau niaka anjoreng, lanri nacini'na tau pepea akkullemi a'bicara, tau tempanga a'jari baji'mi, tau pesoka a'jappami, siagang tau butaya accini'mi. Ammuji-muji ngasemmi ke'nanga ri Allata'alana bansa Israel.

MATIUS 12:23

Lannasa' ngasemmi siagang angkanami taua, “Maka iaminne Ana'na Daud, le'baka nipa'janjiang?”

MARKUS 2:11

“Ambangungko nai', angkaki tappere'nu, ammotere' mako!”