MARKUS 2:1 - KITTA' MATANGKASA'

¹ Siapa are allo ribokoanganna, ammotere'mi Isa mange ri Kapernaum. Tassiara'mi kabaraka angkana niaki ri balla'.

MARKUS 2:1 Referans Kwoze

YOHANES 4:47

Nalangngere'na angkana niaki Isa battu ri Yudea mange ri Galilea, a'lampami mae ri Isa. Napala'mi sollanna mange Isa ri Kapernaum na Naballei ana'na la'biring duduamo mate napakamma garring.

MARKUS 7:24

Le'baki anjo a'lampami Isa ambokoi anjo tampaka nampa mange ri daera ambania ri kota Tirus. Antama'mi ri se'reang balla'. Taerokai niasseng ri taua angkana niaki anjoreng. Mingka takkulleai Nacokko KalenNa.

LUKAS 5:18

Anjo wattua, nia'mo siapa are tau battu angngerang tau peso' irate ri katinroanga. Eroki ke'nanga angngerangi anjo tau pesoka antama' ri anjo ballaka, mange ri dallekanNa Isa.

MARKUS 1:45

Mingka a'lampaji anjo taua na tuli nacarita mange-mange anjo apa kajarianga. Sa'genna takkulleami Napappicinikang KalenNa Isa punna antama' ri kotaya. Pantaranganna mami kotaya ri tampa' sino-sinoa ammantang. Mingka tuli jaina tau battu ri kere-keremae, battu mae ri Ia.

MATIUS 9:1

Nai'mi Isa ri biseanga, nampa a'limbang anta'leang ammotere' mange ri kamponNa.

LAMPA-LAMPANA 2:6

Ri wattunna kalangngerang anjo sa'raya, jaimi tau battu a'lipung. Ta'bangka ngasemmi ke'nanga nalangngere'na akkulle a'bicara anjo tau tappaka ngaseng situru' massing bicaranna ke'nanga.

MATIUS 4:13

Nabokoimi Nazaret, nampa mange ammantang ri Kapernaum, ri birinna Tamparang Galilea, ri daera Zebulon siagang Naftali.

MARKUS 2:2

Jaimi tau battu. A'lipummi ke'nanga anjoreng ri ballaka, sa'genna tenamo tampa' assabang. Manna ri pakke'buka rassi ngaseng tau. Napabattumi Isa biritta battua ri Allata'ala mae ri ke'nanga.

MARKUS 3:20

Le'baki anjo ammotere'mi Isa mange ri balla'. Mingka battumi pole a'lipung tau jaia, sa'genna tenamo nasawe angnganre Isa siagang ana'-ana' gurunNa.

MARKUS 7:17

Ri wattunna Nabokoimo Isa anjo tau jaia nampa antama' ri balla', napakkuta'nangammi ana'-ana' gurunNa apa battuanna anjo pangngebarang le'baka Napau Isa.

MARKUS 9:28

Ri wattunna nia'mo Isa ri balla', na Ia mami siagang ana'-ana' gurunNa, akkuta'nammi ana'-ana' gurunNa angkana, “Apa saba'na nakitakkullea ikambe ambongkai anjo roh ja'dalaka?”

LUKAS 4:23

Jari Nakanamo Isa ri ke'nanga, “Mattantu lanupakei anne pangngebaranga ri Nakke angkanaya, ‘O dottoro', balleimi rolong KalenNu, nampa Nuballei tu maraenga. Gaukammi ri kampong KalenNu anjo gau'-gau' appakalannasaka, nilangngereka kabara'na Nugaukang ri Kapernaum.’ ”