MARKUS 16:13 - KITTA' MATANGKASA'

¹³ Jari ammotere'mi anjo ruaya ana' gurunNa mange ampabattui anjo kajarianga mae ri agang-aganna maraenga. Mingka tatappakai ke'nanga.

MARKUS 16:13 Referans Kwoze

YOHANES 20:25

Nakanamo ana'-ana' gurunNa Isa maraenganga ri Tomas, “Ikambe le'ba'mi nicini' Batara!” Mingka appialimi Tomas nakana, “Punna takucinikapa bate pakua ri limanNa, natenapa nakujamai anjo bokka'Na le'baka nipaku, siagang tenapa kujappuki bokka'Na ri sa'rinNa, tena sikali kutappa'.”

YOHANES 20:8

Antama' tommi anjo ana' guru se'reanga. Nacini'mi anjo apa kajarianga, na'jari tappa'mo. (

LUKAS 16:31

Mingka nakanamo Abraham, ‘Punna tena najampangi apa-apa napassuroanga Na'bi Musa siagang na'bi-na'bi maraenga, mattantu tena todong nalatappa' ke'nanga, manna pole nia' tau mate attallasa' poleang mange ampakaingaki ke'nanga!’ ”

MATIUS 28:17

Nacini'na ke'nanga Isa anjoreng, su'ju'mi ke'nanga anynyomba ri Ia. Mingka nia' todong ri ke'nanga bata-bata.

MARKUS 16:11

Mingka tena natappa' ke'nanga nalangngere'na angkanaya attallasa' poleammi Isa, siagang le'ba'mi nacini' Maria.

MARKUS 16:14

Kala'busanna Napappicikammi KalenNa Isa mae ri sampuloa asse're ana' gurunNa, sitabanna angnganre ke'nanga. Napakainga'mi ke'nanga lanri kurang tappa'na ke'nanga, siagang lanri sukkara'na tappa' ke'nanga mae ri tau le'baka anciniki angkanaya le'ba'mi attallasa' poleang Isa.

LUKAS 24:11

Mingka nakana anjo ana'-ana' gurunNa, apa takamma-kammaji anjo nacaritaya ke'nanga. Tena natappa' ke'nanga ri caritana anjo bai'-bainea.

LUKAS 24:41

Na lalang tenanapa nakkulle tappa' ke'nanga, lanri rannu duduna siagang lannasa' duduna ke'nanga, akkuta'nammi Isa ri ke'nanga angkana, “Nia' kanre anrinni?”