MARKUS 16:10 - KITTA' MATANGKASA'

¹⁰ A'lampami Maria ampabattuangi agang-aganNa Isa anjo apa kajarianga, sitabanga susa siagang angngarru'. Le'baki anjo, KalenNa Isa tete ri ana'-ana' gurunNa ampa'la'bangi battu raya sa'genna kalau' anjo kabara' matangkasaka siagang mannannunganga ri passala'na kasalamakkang satunggu-tunggua.]

MARKUS 16:10 Referans Kwoze

YOHANES 20:18

Jari a'lampami Maria mange ampauangi ana'-ana' gurunNa Isa, angkanaya le'ba'mi nacini' Batara, siagang Batara le'ba' ampauang ngasengi anjo passalaka.

YOHANES 16:6

Ba'lalo kamma-kamma anne a'jari si'nami atinnu, lanri Kupauna anne passalaka mae ri kau.

LUKAS 24:17

Nakanamo Isa ri ke'nanga, “Apa kutadeng nubicara sipa'rua ri tangngana anne aganga sumpadeng?” Ammantammi ke'nanga, na si'na tanja'na nicini'.

MARKUS 14:72

Anjo wattua attingkokomi pole janganga makapinruanna. Na nau'rangimi Petrus angkanaya le'baki angkana Isa ri ia, angkana, “Ri tenanapa nattingkoko makapinruang janganga, pintallumMa' nusassali.” Angngu'ranginna Petrus, a'lampami angngarru' tassunge'nge'-nge'nge'.

MATIUS 9:15

Appialimi Isa angkana, “Maka biasai toanaya si'na atinna punna nia' ija bunting bura'nea ri tangnga-tangngana ke'nanga? Antekamma panggappanu? Tantu tena! Mingka lanarapiki sallang wattunna lanialle anjo bunting bura'nea battu ri tangnga-tangngana ke'nanga. Iaminjo wattua nalasi'namo atinna ke'nanga.

MATIUS 24:30

Le'baki anjo lammumbami rate ri langika pammatei kabattuanNa Ana' Ma'rupataua. Na anjo wattua langngarru' ngasemmi sikontu bansa-bansa niaka lalang lino. Lanacini'mi ke'nanga battu Ana' Ma'rupataua ri tompo'na rammanga, lalang koasaNa siagang kala'birang malompoNa.

MATIUS 19:22

Nalangngere'na akkana kamma Isa, a'lampami anjo tau rungkaya; si'na sikali atinna nasaba' akkalumanynyang sikali.